बिलासपुर : बाढ़ पिड़ित मन बर “सौम्य-एक नई उड़ान” संस्था बढ़ाईस हाथ


बिलासपुर : बाढ़ पिड़ित मन बर “सौम्य-एक नई उड़ान” संस्था बढ़ाईस हाथ
  24/08/2020  


अमन पाण्डेय / बिलासपुर

 

         कर देखावव कुछु अईसन के दुनिया करना चाहय आप मन असन, कुछु अईसने कर देखाईस शहर को बेटी सौम्य रंजीता ह...

         पाछु कुछ दिन होए भीषण बारिश के कारण नदी नाला उफान म रहिस इही बीच बिलासपुर मेर तखतपुर, मुंगेली लोरमी विकासखंड के कई गाँव बाढ़ ले प्रभावित होईन जेखर ले बहुत अकन माटी के घर गिर गईन, जन जीवन अस्त-व्यस्त हो गे अउ लोगन के जीवन बहुत कठिन हो गईस, एखर जानकारी शहर के समाजिक संस्था “सौम्य-एक नई उड़ान” ल मिलिस, संस्था के सदस्य एला तत्काल संज्ञान म लेवत हुए हर संभव सहायता बर हाथ आघु बढ़ाईन,  संस्था द्वारा तखतपुर विकासखंड के घोघरा अउ सिंघानपुरी गाँव जेन बाढ़ ले सबले जादा प्रभावित रहिन उहां पहुँच के जरूरतमंद मन ल राशन, दूध, दूध बॉटल, कपड़ा-लत्ता, दैनिक उपयोगी समान, भोजन अउ उहां रहईया महतारी-बहिनि मन ल मासिक धर्म के समय उपयोग म अवईया सेनेटरी नैपकिन अउ जम्मो महतारी जेन तीजा तिहार म आये भीषण त्रासदी के बाद भी अपन पति के लंबा आयु बर उपास रखे रहिन तेन मन ल लुगरा अउ पूरा सुहाग के समान घलो भेंट करिन, एखर बाद लोरमी वीकासखण्ड के खुड़िया डैम के आखिरी छोर म बसे पसहापारा जिहाँ सामान्य सड़क घलो नई हे, उहाँ संस्था के जम्मो सदस्य डोंगा के सहयोग ले ओमा चघ के राहत सामग्री (कपड़ा, राशन, दूध अउ दैनिक उपयोगी समान) प्रभावित लोगन तक पहुँचाईन। बता दन ये कार्यक्रम म "राशन किट" के व्यवस्था बिलासपुर शहर के महापौर रामशरण यादव के द्वारा करे गए रहिस, जेला जरूरतमंद लोगन तक पहुँचाए गईस, ये पूरा कार्यक्रम म संस्था प्रमुख - चुन्नी मौर्य, संयोजिका - सौम्य रंजीता, खुशबू मौर्य, राष्ट्रीय युवा पुरस्कार विजेता - नितेश साहू, अमन सकतेल, मणिशंकर दुबे, रोशन साहू, रूपेश शुक्ला, जितेंद्र साहू, क्षमा गौरहा, मंटी जायसवाल, चंद्रकांत साहू अउ आस पास के जनप्रीतिनिधि घलो शामिल होईन।


अऊ खबर

img not found

06/09/2020 अपराध

img not found

21/11/2019 धान

Top