शिक्षक दिवस विशेष : शिक्षक मन अपन वेतन ले करिस अच्छा काज


शिक्षक दिवस विशेष : शिक्षक मन अपन वेतन ले करिस अच्छा काज
  05/09/2020  


अभिलाष जायसवाल, मुंगेली। आज शिक्षक दिवस आये, शिक्षक ही हे जेन अपन छात्र मन ल अंधकार ले परकास के ओर ले जाथे। अइसने कुछ गुरु जी मन शिक्षा , ज्ञान देहे के अलावा कुछू अउ अइसन काम कर जाथे जेन म प्रेणना देहे वाले बात रहिथे। हमन बात करबो लोरमी विकासखण्ड के संकुल सुकली के प्राथमिक शाला पीथमपुर के। जहाँ गुरु जी रामनाथ कुलमित्र, शिक्षिका राजकुमारी ध्रुव , अउ कविता राजपूत ह मिशाल कायम करे हे ।ये विद्यालय ल उद्यान बना दिये हे, एमा आकर्षण के केंद्र गोलाकार फब्बारा म स्वामी विवेकानंद जी के प्रतिमा ह हवय । छात्र मन भी येला देख के स्कूल आये बर उत्सुक रहिथे। अउ उहा के वातावरण बहुत मनोभावन ,साफ सुथरा ,शांत हे। ये काम म कोनो सरकारी मदद नई ले गए हे ।ग्रामीण मन के भी सहयोग हे।ये बहुत अच्छा बात ये की गुरु जी मन अपन वेतन ले एला विकसित करे हे । ये दिन म अइसने गुरु जी मन से ही शिक्षक दिवस सार्थक होथे सब्बो झन ल शिक्षक दिवस के शुभकामना अऊ बधाई ।


अऊ खबर

img not found

06/09/2020 अपराध

img not found

21/11/2019 धान

Top