कोविड 19 के इलाज खातिर निजी अस्पताल मन के खर्च तय अब नई होय मनमाना वसूली


कोविड 19 के इलाज खातिर निजी अस्पताल मन के खर्च तय अब नई होय मनमाना वसूली
  06/09/2020  


news36 डेस्क। राज्य शासन निजी अस्पताल मन म कोविड-19 मरीज मन के इलाज बर दर के निर्धारण कर दिहिस। निजी अस्पताल म उपलब्ध सुपरस्पेशियालिटी सुविधा के आधार म तीन श्रेणी म बांटे गए हे। ए-श्रेणी म रायपुर, दुर्ग, राजनांदगांव, बिलासपुर, कोरबा अऊ रायगढ़। बी-श्रेणी म सरगुजा, महासमुंद, धमतरी, कांकेर, जांजगीर-चांपा, बलौदाबाजार-भाटापारा, कबीरधाम अऊ बस्तर। बांचे जिला के अस्पताल सी-श्रेणी म शामिल करे गए हे। निजी अस्पताल म कोविड-19 के इलाज के खर्चा मरीज स्वयं उठाहि।

 

ए-श्रेणी वाला जिला के एन.ए.बी.एच. (National Accreditation Board of Hospitals) मान्यता प्राप्त निजी अस्पताल म सामान्य स्थिति वाले मरीज के इलाज बर प्रतिदिन 6200 रुपिया के शुल्क निर्धारित करे गए हे। एमा सर्पोर्टिव केयर आइसोलेशन बेड के संग आक्सीजन अऊ पीपीई किट के सुविधा उपलब्ध कराय जाहि। गंभीर स्थिति के मरीजों के उपचार बर रोजाना 12 हजार रुपिया शुल्क निर्धारित करे गए हे। एमा वेंटिलेटर केयर के बिना आईसीयू अऊ पीपीई किट शामिल हे। जादा गंभीर मरीज के इलाज बर 17 हजार रुपिया प्रतिदिन के दर निर्धारित करे गए हे। एमा वेंटिलेटर केयर संग आईसीयू (इनवेसिव/नॉन-इनवेसिव) अऊ पीपीई किट शामिल हे। उहें एन.ए.बी.एच. ले गैर मान्यता प्राप्त निजी अस्पताल मन बर समान्य, गंभीर अऊ अति गंभीर मरीज मन के इलाज खातिर प्रतिदिन 6200 रुपिया, दस हजार रुपिया अऊ 14 हजार रुपिया के शुल्क निर्धारित करे गए हे।

बी अऊ सी श्रेणी के अस्पताल मन बर इलाज के दर ए श्रेणी ले कम ही रखे गए हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top