अपराध


अपराध
  06/09/2020  


*बेमेतरा एसपी दिव्यांग पटेल के निर्देश म जूआरी मनला   पकड़े बर चलिस मुहिम जुआरि मनला पकड़े बर साजा अउ  देवकर पुलिस के छापा मार कार्यवाही उहें sdm साजा  के सुनवाई  म आरोपी  मनला दिखाइस जेल के रद्दा*

*टुमेश जायसवाल*

बेमेतरा :-काफी समय ले क्षेत्र म चलत जुआ के खिलाफ कई शिकायत मिलत रहीस। पुलिस प्रसाशन कई प्रयास करिस   लेकिन कुछु हाथ नही लग पात रहिस, ये दारी शुक्रवार के  साजा अउ  देवकर पुलिस के संयुक्त कार्यवाही म ग्राम कोदवा अउ ग्राम चिखला म छापा मारके 5 आरोपी मन ल रंगे हाथ पकड़ के उखर करा ले 26540 रुपया के  बरामदगी करे गये  हे ।
पकडाये सबो आरोपी ऊपर जुआ एक्ट के धारा 4 (क) के तहत कार्यवाही करे गए हे । संगे संग धारा 151 के तहत साजा के अनुविभागीय दंडाधिकारी आसुतोष चतुर्वेदी के समक्ष पेश करे गईस जेखर  सुनवाई म sdm ह जमानत नही  दिस , जेमा सबो आरोपी ला जेल भेज दिस।
पकडाये आरोपी म सोनबरस पिता प्रहलाद सतनामी (चिखला),, रमेश पिता अवधराम सतनामी (चिखला),, टीकम धोबी पिता पंचू धोबी (कोदवा),, नारद पिता फ़िरन्ता सतनामी (कोदवा),, अनवर खान पिता जलालुद्दीन खान (कोदवा) रहीन।

*पुलिस टीम म ये रहिस शामिल*
 आरोपी मन ला पकड़े म साजा पुलिस थाना प्रभारी हरप्रसाद पाण्डेय के नेतृत्व म टीम बनाके देवकर चौकी प्रभारी बी.आर.ठाकुर,सुभाष सिंह राजपूत,श्रीराम पेंड्रो (एएसआई), के अलावा आरक्षक मन मे इंदरमन, रमन, राजू, रामकुमार, दीपक राजपूत, कैलाश ठाकुर, गौरीशंकर, संतोष, मुकेश, अउ दुर्गेश तिवारी के सहयोग ले कोदवा आउ  चिखला म दबिश देके आरोपी मन ला पकड़े म सफलता पाईस,, बेमेतरा sp ह ये सफलता बर साजा आउ देवकर पुलिस ल बधाई दीस  ।


अऊ खबर

img not found

06/09/2020 अपराध

img not found

21/11/2019 धान

Top