बेजुबान जानवर मन ऊपर होवत अत्याचार के खिलाफ शहर के युवा उठाइन आवाज़


बेजुबान जानवर मन ऊपर होवत अत्याचार के खिलाफ शहर के युवा उठाइन आवाज़
  07/09/2020  


अमन पाण्डेय / बिलासपुर

       शहर म बेजुबान जानवर मन ऊपर लगातार अत्याचार बाढ़त जावत हे, बीते 29 अउ 30 अगस्त के राजेंद्र नगर, इमली पारा, तिलक नगर म अलग-अलग समय अलग-अलग जगह म अइसन घटना आघु आइन जेमा मासूम पशु मन ऊपर अत्याचार करे गए हे, एक घटना म तो बेजुबान जीव के पत्थर ले मार मार के जान तक ले लिए गइस। ए सब घटना समाज के बीच ही होथे फेर कोई एखर खिलाफ आवाज़ नई उठावय अइसन समय म तपेश शर्मा और ओखर साथी मन ये कदम उठाइन। 7 सितम्बर सोमवार बिहनिया 10:30 बजे तपेश शर्मा के प्रतिनिधित्व म ओखर साथी मन मिलके "जीव रक्षा आंदोलन" नाम के कार्यक्रम के आयोजन करिन। इंखर मुद्दा रहिस के बेजुबान जीव मन बोल नइ सकय अउ हमन बोल सकत हन, एखर अलावा कोई फर्क बेजुबान जीव अउ इंसान म नई हे। हमर कानून म घलो हमन ल समानता दिए गये हे, कोई भी इंसान ल कोई भी प्रकार के हक नई हे के वो कोनो बेजुबान ऊपर अत्याचार करय।

      आंदोलनकर्ता मन के कहना हे के ये मुद्दा म कानून के पालन ले जादा लोगन ल जागरूक होए के आवश्यकता हे। एखर संगे संग ओमन लोगन ले कानून के हिसाब से चलत हुए ए प्रकार के हिंसा नई करे अउ लोगन म येला लेके जागरूकता फैलाए के निवेदन घलो करिन। ये कार्यक्रम म तपेश, अनुज, दीपांशु, चेतना, प्रियंका, आशीष, राहुल, युवराज, इबरार, सुभम, हर्ष, नवीन, कृणाल, नीरज, राहुल मनिकपुरी सहित अउ कई युवा उपस्थित रहिन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top