बिलासपुर : युवा मन आपसी सहयोग ले करिन मोहल्ला म समस्या के निराकरण


बिलासपुर : युवा मन आपसी सहयोग ले करिन मोहल्ला म समस्या के निराकरण
  12/09/2020  


अमन पाण्डेय / बिलासपुर पुराना सरकंडा के लोधिपारा राधाकृष्ण मंदिर गली म पाछु 3 महीना ले नाली अउ ऊपर ऊपर के सड़क टूट गए रहिस जेखर कारण लोगन ल बिकट परेशानी के सामना करे ल पड़त रहिस। बिहनिया कचरा उठइया गाड़ी घलो गली म नई जा पावत रहिस अउ कभु इमरजेंसी होए म ऑटो रिक्सा आसन गाड़ी घलो गली म नई घुस पावत रहिस। मोहल्लेवासी मन बताइन के वार्ड के पार्षद द्वारा एखर मरम्मत बज एस्टीमेट नगर निगम म भेजे गए हे फेर कार्य के स्वीकृति नई मिले ले ये मरम्मत के कार्य नई हो पावत रहिस।  मोहल्लावासी मन के रोज़ के परेशानी ल देखत हुए इहाँ के युवा मन ये निर्णय लिहिन के अब ये रोड अउ नाली ल बनाए के काम वो जम्मो झिन मिलके खुद पूरा करहीं। ए क्रम म युवा मन मोहल्ला के सबो घर ले कुछ सहयोग राशि इकट्ठा करिन अउ सब झिन के सहयोग ले आज ये मरम्मत कार्य ल पूरा करे गइस। एक ओर जिहां कोरोना संकटकाल म जम्मो शासकीय अउ प्रशासकीय कार्य प्रभावित हवय, अइसन म युवा मन के ए तरह ले मोहल्ला के समस्या ल खुद के आपसी सहयोग ले निराकरण करे के निर्णय सराहनीय कदम हे।


अऊ खबर

img not found

06/09/2020 अपराध

img not found

21/11/2019 धान

Top