सिविल हॉस्पिटल अऊ जनपद कार्यालय म 11 कर्मचारी मिलिस कोरोना संक्रमित


सिविल हॉस्पिटल अऊ जनपद कार्यालय म 11 कर्मचारी मिलिस कोरोना संक्रमित
  13/09/2020  


बलौदाबाजार जिला म चलत सघन कोरोना जांच अभियान शिविर के अंतर्गत कल भाटापारा विकासखण्ड म मुख्यालय सहित कुल 4 जगह म शिविर संपन्न होईस। ए शिविर म आज कुल 607 कर्मी के कोरोना जांच करे गईस । एमा से कुल 11 प्रकरण संक्रमित आघू आए हे । जिला कलेक्टर सुनील कुमार जैन के विशेष निर्देश अऊ मार्गदर्शन म भाटापारा विकासखण्ड मुख्यालय के सिविल हॉस्पिटल,पंचम दीवान स्कूल, जनपद पंचायत अऊ प्राथमिक स्वास्थ्य केंद्र निपानिया म कोरोना जांच शिविर संपन्न होईस । शिविर बिहनियां 11बजे से शुरू होईस जेन ह संझा शाम 6 बजे तक चलिस ।ए शिविर के लाभ उठात हुए भाटापारा विकासखण्ड के जम्मों   मैदानी अधिकारी-कर्मचारी मन भाग लिहिन । स्वास्थ्य विभाग के प्रशिक्षित स्टाफ कति ले एंटीजन अऊ कुछ लोगन के के आरटीपीसीआर नमूना लेहे गईस । एंटीजन के परिणाम तत्काल बता देहे गईस । ए शिविर के पूरा चाक चौबंद व्यवस्था भाटापारा एसडीएम के महेश राजपूत करिस । कल कुल 607 टेस्ट करे गईस। जेमा 11 संक्रमित मरीज पाये गईस । जेमा आरटीपीसीआर  के 285 टेस्ट  अऊ एंटीजन के 322 टेस्ट शामिल हे । एकर साथ ही भाटापारा नगर के सिविल हॉस्पिटल  म 8 मरीज पंचम दीवान स्कूल म 2 अऊ जनपद पंचायत भवन म 1 संक्रमित मरीज मिलिस । 


अऊ खबर

img not found

06/09/2020 अपराध

img not found

21/11/2019 धान

Top