कोरोना : केंद्र के देहे पईसा प्रदेश म होईस खत्म, 108 करोड़ म से 107 करोड़ खर्च, प्रदेश ह केंद्र से फेर लगाईस मदद के गुहार


कोरोना : केंद्र के देहे पईसा प्रदेश म होईस खत्म, 108 करोड़ म से 107 करोड़ खर्च, प्रदेश ह केंद्र से फेर लगाईस मदद के गुहार
  14/09/2020  


रायपुर. छत्तीसगढ़ म कोरोना संक्रमण के रोकथाम के संगे संग शासन ह अन्य व्यवस्था कति ध्यान देना शुरू कर देहे हे । लोगन म जागरूकता लाए के अलावा टेस्ट अऊ अन्य सुविधा बढ़ाए बर केंद्र से मिले जम्मों राशि लगभग खर्च हो चूके हे । अब राज्य सरकार ह केंद्र से मदद के गुहार लगाए हे । केंद्र ह राज्य सरकार ल कोविड- 19 संक्रमण की रोकथाम बर मार्च से अब तक 108 करोड़ रुपए के सहायता राशि उपलब्ध कराए रहिस । राज्य सरकार ह ऐमा से 107 करोड़ की राशि कोरोना से लड़े म खर्चा कर डारे हे । राशि ल कोरोना संक्रमण के इलाज से संबंधित सामग्री, दवाइयां, पीपीई किट, वीटीएम किट, आईजीएल अऊ आईजीसी किट, वेंटिलेटर के साथ मास्क अऊ हेड शिल्ड बचाव म खर्चा करे गए हे । केंद्र सरकार ह कोरोना संक्रमण बाढ़े के साथ प्रदेश ल मार्च महिना म म उपरोक्त सामग्री के साथ राशि के आवंटन तीन किस्त म करे रहिस । पहली किस्त 15 करोड़, दूसरा किस्त 60 करोड़ अऊ तीसरी किस्त म 33.37 करोड़ के राशि उपलब्ध कराए गए रहिस । ए राशि से राज्य म कोविड अस्पताल ल तैयार कर इलाज के व्यवस्था करे गईस । 

विभाग के अधिकारी बताईन कि केंद्र सरकार के निर्देश म राज्य आपदा मोचन निधि के उपलब्ध बजट के 35 प्रतिशत राशि कोविड- 19 संक्रमण के रोकथाम बर जारी करे गए हे । राज्य के जम्मों जिला म जांच के व्यवस्था हो, एकर प्रयास करे जावत हे । संक्रमण रोके बर मानव संसाधन सहित सामुदायिक सेवा, स्वास्थ्य वर्कर अऊ स्वयंसेवक मन के प्रोत्साहन बर 55.63 करोड़ के राशि जारी करे गए हे। प्रदेश म कुल 29 कोविड अस्पताल अऊ 186 कोविड केयर सेंटर हे, जिहां लोगन के इलाज करे जावत हे ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top