अब मंत्री मन ल मिलिही 4 के जगह 10 लाख खर्चा के अनुमति, अब जनसंपर्क दौरा बर प्रति विधानसभा 10 लाख रुपए मिलही


अब मंत्री मन ल मिलिही 4 के जगह 10 लाख खर्चा के अनुमति, अब जनसंपर्क दौरा बर प्रति विधानसभा 10 लाख रुपए मिलही
  15/09/2020  


रायपुर. छत्तीसगढ़ सरकार के मंत्री मन ल अब जनसंपर्क दौरा बर प्रति विधानसभा 10 लाख रुपए मिलही । एकर पहली ए राशि 4 लाख तक रहिस। मंत्री मन ल मिले वाला ए राशि म से सवा लाख रुपए के काम सासंद के सिफारिश म होही। राज्य सरकार के सामान्य प्रशासन विभाग ह ए संबंध म आदेश जारी कर देहे हे । ए संबंध म सामान्य प्रशासन विभाग ह प्रदेश के जम्मों कलेक्टर ल परिपत्र भेजे हे । मंत्रालय के मुख्य लेखाधिकारी ल भी एकर जानकारी द देहे गए हे। सरकार ह एमा बदलाव करत हुए 9 साल पुराना परिपत्र म आंशिक संशोधन करे हे । एकर पहली मंत्री मन के जनसंपर्क दौरा बर प्रति विधानसभा क्षेत्र चार लाख रुपए के मान से राशि के प्रावधान करे गए रहिस। ए राशि म से 50 हजार रुपए अईसे काम बर सुरक्षित रखे के निर्देश रहिस जेकर अनुशंसा सांसद द्वारा करे जात रहिस । सामान्य प्रशासन विभाग ने इस संबंध म जारी परिपत्र म कहे हे कि ए संबंध म पूर्व म जारी संदर्भित परिपत्र 17 अक्टूबर 1997 के कंडिका 5 के उप कंडिका 2, 3, 4, 5 अऊ 6 ल विलोपित करे जात हे। जनसंपर्क दौरा अनुदान मंत्रिपरिषद सदस्य स्वेच्छानुदान नि.म 2019 के नियम 4(1) अऊ (2) म उल्लेखित उद्देश्य के अनुसार स्वीकृत करे जात हे । ए स्वीकृति उपर वित्त विभाग ह सहमति प्रदान कर देहे हे ।


अऊ खबर

img not found

06/09/2020 अपराध

img not found

21/11/2019 धान

Top