कलेक्टर के प्रोफ़ाइल बनाके पैसा के मांग,खुद कलेक्टर कराइस एफआईआर


कलेक्टर के प्रोफ़ाइल बनाके पैसा के मांग,खुद कलेक्टर कराइस एफआईआर
  18/09/2020  


*मोहन नायक,रायगढ़।*
कोरोना काल म ठगी के किसिम किसिम के उपाय ठग गिरोह मन के दुवारा करे जात हे।जोन म बढ़ एकन लोगन मन ये मन के झांसा म आके अपन गाढ़ी कमाई ला पल भर म गंवा चुकीन  न ।येकर बर साइबर ठगी रोके बर पुलिस दुवारा समय -समय म जन जागरूकता अभियान घले चलाये जाथे।तब तक ठग मन एक कदम आघु बढ़के नावा उपाय खोज लेतें।कुछ अइसन ही वाकया रायगढ़ ज़िला के कलेक्टर भीमसिंह के नाम ले फर्जी प्रोफ़ाइल बनाके लोगन मन ला पैसा के मांग करे के बात सामने आईस हावे।जेकर जानकारी खुद कलेक्टर भीमसिंह हर दिस हे।ओहर सोशल मीडिया के माध्यम ले जानकारी देवत कहे हे -"दोस्तों,मोर फर्जी प्रोफ़ाइल बनाय गे हे अउ ओकर ले कुछ पैसा मांगत हावे।जेकर मे हर रिपोर्ट करके एफआईआर करवा दे हव अउ अपन सोशल अकाउंट ले लोगन मन ला सुचना घले कर दे हव।"

ये अइसन समय ये की कभू कोरोना तो कभू बाढ़ पीड़ित बर तो कभू अउ कछु बर प्रशासन ला जन सहयोग के दरकार रहिथे, ते समय के फायदा उठाये के चालाकी कलेक्टर के फर्जी प्रोफ़ाइल बनाके कोशिश करे जात रहिस।अब आघु देखे वाली बात ये की ये कारनामा ला कौन अंजाम दिस हे।कोई बड़े ठग गिरोह या कौन ये?अइसन ठगी के किसिम किसिम के उपाय ला रोके बर प्रशासन का कदम उठावत हे?


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top