बिलासपुर : एल्डरमैन नियुक्ति ले गुसियाए कांग्रेसी कार्यकर्ता मन थोक म दिहिन इस्तीफा


बिलासपुर : एल्डरमैन  नियुक्ति ले गुसियाए कांग्रेसी कार्यकर्ता मन थोक म दिहिन इस्तीफा
  18/09/2020  


बिलासपुर – सरकार कति ले एल्डरमैन के नियुक्ति के 24 घंटे नई बीते हे कि पार्टी के अंदर के कलह आघू आए लगीस ।कांग्रेसी कार्यकर्ता मन नियुक्ति ल लेके काफी आक्रोश म दिखिन अऊ कांग्रेस आईटी सेल के लगभग 25 कार्यकर्ता मन असंतोष जतात हुए थोक म विधायक शैलेष पांडे अऊ पीसीसी महामंत्री अटल श्रीवास्तव ल इस्तीफा सौंप दिहिन। पीसीसी महामंत्री अनिल शुक्ला ह नियुक्ति उपर एतराज जताते हुए कहिस कि

ए संबंध म पीसीसी अध्यक्ष मोहम मरकाम से शिकायत करही । शुक्ला ल आरोप लगाईस कि अनजान लोगन ल एल्डरमैन बना देहे गए हे, इंहा तक कि एके परिवार के दू लोगन ल एल्डरमैन बना देहे गए हे । पत्र म आरोप लगाया गए हे कि प्रदेश में कांग्रेस सरकार बने के दू बछर बीते के बाद भी पार्टी से जुड़े निष्ठावान ईमानदार कार्यकर्ता मन के कोई काम नही होअत हे अऊ अनदेखा करे जात हे ।


पत्र म बताया गए हे कि प्रदेश कांग्रेस आईटी सेल के पदाधिकारी अऊ कार्यकर्ता मन सड़क तक के लड़ाई म महत्वपूर्ण योगदान देहे हे। लेकिन सरकार बने के बाद बार-बार कार्यकर्ता मन के साथ धोखा होअत हे। एल्डरमैन के नियुक्ति म भी मेहनत अऊ संघर्ष करे वाला कार्यकर्ता ल दरकिनार करे गए हे, जेकर से दुखी होके उ मन पद से इस्तीफा देवत हे । बता दिन कि गुरुवार के राज्य सरकार ह प्रदेश के तमाम नगर पालिका, नगर परिषद अऊ नगर पंचायत म 208 एल्डरमैन के नियुक्ति लिस्ट जारी करे रहिस, जेमा से बिलासपुर नगर निगम से 11, बिल्हा नगर पंचायत से 3, गौरेला नगर पंचायत से 3, पेंड्रा नगर पंचायत से 3 अऊ मल्हार नगर पंचायत म 3 एल्डरमैन के नियुक्ति करे गए हे।.


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top