दरुहा पति परिजन संग मिलके पत्नी ल लगाईस आगी, पत्नी के मौत जनकपुर के कर्री गांव के हरे घटना, जम्मों आरोपी अंदर


दरुहा पति परिजन संग मिलके पत्नी ल लगाईस आगी, पत्नी के मौत जनकपुर के कर्री गांव के हरे घटना, जम्मों आरोपी अंदर
  19/09/2020  


बैकुण्ठपुर/जनकपुर. दरुहा पति के हैवानियत देख लोगन म भारी आक्रोश देखे ल मिलिस जब पति ह अपन परिजन संग मिलके पत्नी उपर माटी तेल डार आगी के हवाला कर दिहिस कर दिहिस। महिला के हालत गंभीर होए म जनकपुर अस्पताल म भर्ती कराए गए रहिस, जिहां प्राथमिक उपचार के बाद महिला ल पास के शहडोल जिला अस्पताल बर रिफर कर देहे गईस , जिहां उपचार के दौरान पत्नी ह प्राण त्याग दिहिस । शिकायत म पुलिस ह धारा 307, 34 के तहत अपराध दर्ज कर जांच पड़ताल म जुट गए हे। 

मरे से पहिली विवाहिता ह तहसीलदार भरतपुर को दिए बयान म शराबी पति अऊ परिजन मन उपर मीटी तेल डार के जलाए के आरोप लगाए रहिस । जम्मों नामजद आरोपी मन ल पुलिस गिरफ्तार कर न्यायिक रिमांड म जेल भेज देहे हे। जानकारी के मुताबिक जनकपुर के कर्री गांव म 16 सितंबर के रामगोपाल पिता संपत अहिरवार ह थाना आकर रिपोर्ट दर्ज कराईस कि बिहिनिया लगभग 9 बजे ओकर पास ग्राम कर्री के ही रहने वाला महेश अहिरवार के फोन आईस अऊ ओ ह बताईस कि ओकर बहिनी समरिया आग से जल गए हे, जेला इलाज बर अस्पताल ले जाए जावत हे । शिकायत के बाद पुलिस ह पीड़िता समरिया का मरणासन्न बयान कार्यपालिक दंडाधिकारी भरतपुर से कराईस। बयान म समरिया बताईस कि ओकर पति शिव कुमार पिता दीनदयाल, ससुर दीनदयाल उर्फ जुगला पिता स्व. बिफईया अहिरवार अऊ धनिया बाई, परसन अहिरवार, अखिलेश एई सत्तन राम उर्फ सत्ते जम्मों लोगन मिलके ओला आगी लगा दिहिस । मामला म जम्मों 6 आरोपी मन ल गिरफ्तार कर न्यायिक रिमांड म भेज देहे गए हे। 


अऊ खबर

img not found

06/09/2020 अपराध

img not found

21/11/2019 धान

Top