घर म अकेला नाबालिक ले करिस अनाचार 12 घंटा म आरोपी गिरप्तार ।


घर म अकेला नाबालिक ले करिस अनाचार 12 घंटा म आरोपी गिरप्तार ।
  19/09/2020  


मुंगेली : घर म अकेला देख नाबालिक लड़की ले अनाचार करइया दू आरोपी युवक ल सिटी कोतवाली मुंगेली ह 12 घंटा के भीतर गिरफ्तार कर न्यायिक रिमांड म लेके न्यायालय म पेश कर दिस । पुलिस ले मिले जानकारी के अनुसार पीड़िता के पिता अपन ससुराल गए रहिस । घर म ओखर 3 बेटी रहिस । ओमा के एक बेटी ह नाबालिक हे। ये दौरान रात के 11बजे ग्राम निरजाम के निवासी जितेंद्र साहू अउ ओखर साथी उमेन्द्र साहू दोनों झन घर के दरवाजा ल खोल के अंदर घुस गिस अउ घर ले थोकन दूर इमली पेड़ के तीर म जबरन दुष्कर्म करिस । पिता के घर आये के बाद पीड़िता ह संगमा घटे घटना  ल सुनाइस जेखर बाद पिता ह तत्काल थाना सिटी कोतवाली पहुच के दोनों आरोपी के खिलाफ़ रिपोर्ट दर्ज कराइस ।जेखर बाद पुलिस दोनों आरोपी के विरुद्ध पाक्सो एक्ट कायम कर म लिस। पुलीस अधिक्षक अरविंद कुमार कुजूर के निर्देशानुसार अतिरिक्त पुलिस अधीक्षक कमलेश्वर चंदेल अउ एसडीओपी तेजराम पटेल के मार्गदर्शन म दोनों आरोपी ल ग्राम निरजाम ले 12 घंटा के अंदर गिरप्तार कर न्यायिक रिमांड कर न्यायालय म पेश करिस। उपरोक्त कार्यवाही म थाना प्रभारी निरीक्षक विश्वजीत सिंह सउमी , बीपी जांगडे , आरक्षक मुकेश ठाकुर , दिलीप साहू , दयाल गावस्कर , संजय यादव के भूमिका रहिस ।


अऊ खबर

img not found

06/09/2020 अपराध

img not found

21/11/2019 धान

Top