पाकिस्तान कति ले बलौदा के चारपारा म व्हाट्सअप ग्रुप तैयार करके युवा मन ल ओमा जोड़े के सनसनीखेज मामला आघु आये है


पाकिस्तान कति ले बलौदा के चारपारा म व्हाट्सअप ग्रुप तैयार करके युवा मन ल ओमा जोड़े के सनसनीखेज मामला आघु आये है
  20/09/2020  


पाकिस्तान कति ले बलौदा के चारपारा म व्हाट्सअप ग्रुप तैयार करके युवा मन ल ओमा जोड़े के सनसनीखेज मामला आघु आये है | बलौदा पुलिस मामला के छानबीन मे जुटीस | 

 


पुुुलिस ह ये ग्रुप म कहूँ ल नहीं जुड़े के अपील करे हावय अउ मामला ल साइबर सेल जांजगीर भेजके तस्दीक किये जावत हावय| 

मामला बलौदा ले सटे ग्राम चारपारा के हे | ग्राम चारपारा निवासी महेंद्र गोस्वामी जो कि लगभग साल भर पहली ही भारतीय सेना ले हवलदार के पोस्ट ले रिटायर होके चारपारा लहुट के आय हे ह बताइस कि गुरूवार के शाम ओहर अपन मोबाइल के व्हाट्सअप म एक नया ग्रुप एस नाम से देखिस। कोनो ह ओला ग्रुप म एड करिस । ओहर ग्रुप ल खोलके देखिस त ओमा 178 लोगन जुड़ गये रहिन। जब महेंद्र के नजर अचानक ग्रुप एडमीन के नंबर +917829500835, +918277326236 अउ +923438039513 म पड़ीस त ओहर चौंक गइस काबर कि +92 पाकिस्तान के आई एस डी कोड हे अउ कोनो भी एडमीन ओकर पहचान के नई रहिस। तो ओला कुछ शक होइस। एकर बाद दूसर दिन शुक्रवार के पुनः एक नया ग्रुप केबीसी 2 के नाम से बन गइस, जेमा एडमीन +9172776022111, +923417218411, +923451044433 के नाम ले बन गइस। एकरो एडमीन ले ओकर दूर दूर तक परिचय के नई रहिस अउ पाकिस्तान के आई एसडी कोड रहिस। त ये मामला के सूचना पुलिस ल देहे के सोचीस अउ पुलिस ल लिखीत म शिकायत करत हुये मामला के  जांच के मांग करिस। पुलिस द्वारा ये मामला म सायबर सेल के मदद लिए जावत हे अउ लोगन ल अइसन अनजान ग्रुप ले दूर रहे के सलाह दिए जावत हे।

विनोद मंडावी थाना प्रभारी बलौदा के कहना हे कि "चारपारा ले अइसन शिकायत रिटायर फौजी से प्राप्त होय हे। एकर जांच किये जावत हे अउ सायबर सेल ल भेजके मामला के तस्दीक किये जाही"


अऊ खबर

img not found

06/09/2020 अपराध

img not found

21/11/2019 धान

Top