हड़ताल : कईसे होही कोरोना के पड़ताल ?


हड़ताल : कईसे होही कोरोना के पड़ताल ?
  21/09/2020  


रायपुर. संविदा स्वास्थ्यकर्मी के पाछू दू दिन म हड़ताल म जाए ले प्रदेश म कोरोना के सैंपल के जांच कम होईस मरीज के संख्या घलोक कम होईस । रविवार के प्रदेश म कुल 1949 मरीज के पता चलिस, जबकि 1572 मरीज अस्पताल अऊ होम आईसोलेशन म स्वस्थ घलोक होईन । प्रदेश म अब एक्टिव मरीज के संख्या 37853 हो गए हे, वहीं कुल स्वस्थ होए वाला मरीज के संख्या 47 हजार से ज्यादा हे । प्रदेश म कोरोना अऊ गंभीर बीमारी के सेति कल 13 लोगन अपन जान गवांईस। प्रदेश म पाछू दू दिन से एनएचएम कार्यकर्ता हड़ताल म हे, जेकर सेति कोरोना सैंपल के जांच प्रभावित होअत हे । वहीं कई जिला म कोरोना के बाढ़त संख्या ल देखत हुए लॉकडाऊन लगा देहे गए हे अईसे म कोरोना के जांच बर लोगोन केंद्र तक नहीं पहुंच पात हे, जेकर सीधा असर रोजाना होए वाला जांच म घलोक पड़त हे। पूर्व म प्रदेश म जांच के संख्या 20 से 22 हजार तक पहुंच गए रहिस, जेन घट के आधा हो गए हे । रविवार के कुल 11246 कोरोना टेस्ट होईस, जेकर सेति मरीज के संख्या भी कम हो गईस। प्रदेश म वर्तमान म कोरोना संक्रमित मरीज के कुल संख्या 86183 हो गए हे । अस्पताल ले थोक म मरीज स्वस्थ होए के बाद घर लहुटत हे । रविवार के 921 लोगन ल अस्पताल ले छुट्टी देहे गईस, वहीं होम आईसोलेशन के अवधि 651 लोगन पूरा करिन । 

ए जिला म मिलिन संक्रमित 

रविवार को रायपुर जिले से 812, दुर्ग 257, बालोद-कांकेर 107-107, बिलासपुर 89, दंतेवाड़ा 74, महासमुंद 59, सरगुजा 57, राजनांदगांव 53, जांजगीर-चांपा 52, रायगढ़ 49, बेमेतरा 40, धमतरी 38, सूरजपुर 34, बलरामपुर 30, कोरबा 26, बस्तर 25, कबीरधाम 15, गरियाबंद 12, नारायणपुर 7, कोरिया 3, बलौदाबाजार 2 और मुंगेली जिले से एक मरीज आघू आईस । राजधानी म कोरोना अऊ गंभीर बीमारी से 8 अऊ प्रदेश म कुल 13 लोगन के मौत हो गईस, एमा डायबिटीज के साथ हाइपरटेंशन के मरीज के संख्या काफी अधिक रहिस । वहीं बलौदाबाजार म एक अऊ बिलासपुर म 3 मरीज के मौत होए हे ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top