कोविड मरीज के अंतिम संस्कार म सामने आइस बड़ी लापरवाही, आखिर जिम्मेदार कौन?


कोविड मरीज के अंतिम संस्कार म सामने आइस बड़ी लापरवाही, आखिर जिम्मेदार कौन?
  22/09/2020  


मुंगेली : कोरोना संकट काल म संक्रमण ले बचाव बर जारी गाइड लाइन ल सख्ती ले पालन करे जाए के सरकारी आदेश हे। ये आदेश के इतना कड़ाई ले पालन करे जावत हे , उतके लापरवाही कही न कही दिखाई देवत हे । मुंगेली के मसीही कब्रिस्तान के सामने खुले म पड़े पीपीई किट ये बात के गवाह आये की लापरवाही होय हे। सबले बड़े बात ये आये के सूचना दिए जाने के बाद भी पीपीई किट ह समाचार लिखत ले खुला म पड़े रहिस ।
प्राप्त जानकारी के अनुसार आइसोलेशन म रहत कोरोना के इलाज करावत रहिस एक महिला के 21 सिंतबर के शाम कण मौत हो गए । आनन फानन म रात कन महिला के अंतिम संस्कार प्रशासनिक अधिकारी के निगरानी म कोविड नियम के पालन करत ही मसीही ग्रेवियार्ड म कर दिए गए हे। क्रियाकर्म कर दिए जाने के बाद अंतिम संस्कार के समय उपयोग म लाये गए पीपीई किट के जिम्मेदार ह खुले म फेंक दिस। जबकि कोविड19 के संक्रमण के फैलाव ल देखत ही मेडिकल वेस्टेज के सतत निगरानी के साथ डिस्पोज करे बर जिम्मेदार अधिकारी भी नियुक्त हे , जेखर मॉनिटरिंग व समय म आवश्यक गाइड लाइन भी जारी हे।लेकिन यहा अइसन नई करे गए हे। येखर चलत क्षेत्र के लोगन मन ल कोरोना संक्रमण फैले के भय सतावत रहिस।

ये आये नियम:-
अस्पताल व क़वारन्टीन सेंटर ले निकल मेडिकल वेस्ट ल एक विशेष पॉलीथिन बैग म एकत्र कर ओला डिस्पोज बर प्लांट भेज दिये जाथे । पीपीई किट के इस्तेमाल संक्रमण व्यक्ति ले बचे बर पहिने जाथे । येखर अलावा मरीज के इलाज म जो चीज प्रयोग म आये जाथे, ओखर निस्तारण के बर भी कड़े नियम हे।

डॉक्टर ह कहिस:-
ये संबंध म डॉ. महादेव तेंदवे ह कहिस की अइसन खुला म पीपीई किट ल छोड़ना गंभीर लापरवाही आये । येखर जानकारी ले कार्रवाई करे जाहि।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top