कलेक्टर ह जारी करिस नवरात्र पर्व के सम्बंध म दिशा निर्देश


कलेक्टर ह जारी करिस नवरात्र पर्व के सम्बंध म दिशा निर्देश
  22/09/2020  


मूर्ति के ऊँचाई एवं चौड़ाई ह 6×5 फिट ले ज्यादा नई रहए ...

पंडाल के सामने म कम से कम 3000 वर्ग फिट के खुले जगह होना चाहिए...

मूर्ति स्थापित करइया व्यक्ति या समिति वाले मन ल 4 सीसीटीवी कैमरा लगाही...

नॉवेल कोरोना वायरस के संबंध के नियंत्रण एवं रोकथाम करत. नवरात्र पर्व के सम्बन्ध म कलेक्टर एवं जिलादण्डाधिकारी पी.एस एल्मा ह दिशा निर्देश जारी कर गए है। जारी दिशा निर्देश म बताए हे के मूर्ति के उचाई अउ चौड़ाई 6×5फीट ले ज्यादा नई होना चाही ।मूर्ति पंडाल वाले के आकार 15×15 ले ज्यादा के नई होना चाही । पंडाल के सामने कम से कम 3000वर्ग फिट के खुल्ला जगह रहए । एक पंडाल ले दूसरा पंडाल के दूरी कम से कम 250 मीटर रहए , मण्डप अथवा पंडाल के सामने दर्शक मन के बैठे बर पृथक पंडाल नई रहना चाही । दर्शक अथवा आयोजक के बइठे बर कुर्सी नई लगना चाही।

कोई भी 1 समय म पंडाल म सामने मिलाके व्यक्ति के संख्या 20 ले ज्यादा मत रहना चाही। मूर्ति स्थापना करइया व्यक्ति या समिति के मन के पास म एक रजिस्टर होना चाहिए, जेमा दर्शन हेतु अवइया व्यक्ति के नाम,पता,अउ मोबाइल नम्बर दर्ज रहए ।ताकि ओम कोई भी व्यक्ति ल कोरोना संक्रमीत होवत हे त सूचना दिए जाएं। मूर्ति स्थापित करइया व्यक्ति ल 4 सीसीटीवी कैमरा जाहि ताकि ओमा ले कोईभी व्यक्ति कोरोना संक्रमित पाए जाहि त कांटेक्ट ट्रेसिंग करे जा सकए । मूर्ति दर्शन अथवा पूजा म सामिल होवइया कोई भी व्यक्ति बिना मास्क के अंदर नई आना चाही। अगर बिना मास्क के पाए जाहि त समिति के विरुद्ध कार्रवाई करे जाहि।
मूर्ति स्थापना करइया आदमी मन के द्वारा सैनिटाइजर, थर्मल,स्कैनिंग आक्सिमिटर ,हैंडवाश आदि के व्यवस्था करे जाहि। थर्मा स्कैनिन म अगर बुखार पाए जाहि या कोरोना के संबंध म कोई भी लक्षण पाए जाहि त पंडाल म जाए के अनुमति नई देना हे । पंडाल म सोशलडिस्टेन के पालन कराए जाहि । अगर कोई भी व्यक्ति मूर्ति स्थापना म जाए के बाद संक्रमण पाए जाहि त ओखर इलाज के पूरा खर्चा मूर्ति स्थापना  करइया ह लेहि। कंटेमेंट जॉन म मूर्ति स्थापना करें के कोई आदेश नई हे । अगर मूर्ति स्थापना कर के बाद कंटेमेंट जोन हो जाहि त तुरंत पूजा ल समाप्त करे जाहि। कोई भी प्रकार के भोग भंडार या संस्कृति कार्यक्रम करे के अनुमति नई हे। विसर्जन के समय कोई भी प्रकार के ध्वनि यंत्र या डीजे बजाए के अनुमति नई हे । मूर्ति विसर्जन के दौरान एक ज्यादा वाहन के अनुमति नई हे। विसर्जन वाला गाड़ी ल सजाय या झांकी करे के अनुमति नई हे। विसर्जन के समय 4 ले ज्यादा आदमी के जाए के अनुमति नई हे। मूर्ति के गाड़ी ल पंडाल ले सिधा विसर्जन जगह म लेगे जाहि कोनो जगह म रोके के अनुमति नई हे। शहर के व्यस्त मार्ग म लगे के अनुमति नई हे। विसर्जन के दौरान कोई भी मार्ग म स्वागत या भंडारा प्रसाद वितरण के अनुमति नई हे। 
सूर्यास्त के पश्चात एवं सुर्योदय के पहली मूर्ति विसर्जन के अनुमति नई हे।

सबो नियम के पालन करत घर म मूर्ति बैठाए के अनुमति हे। अगर घर ले बाहर मूर्ति स्थापना कर जाहि त 7 दिन के पहली नगरीय निकाय ज़ोन कार्यलय म शपथ पत्र आवेदन देना होही । अनुमति मीले के बाद मूर्ति स्थापना करे के अनुमति मीले जाहि। पंडाल बर पहली आओ त पहली पाओ निती के तहत जे पहली आवेदन प्राप्त करहि तेन ल प्राथमिकता दिए जाहि । 
आदेश के उल्लंघन तोड़े जाहि त एपिडेमिक डिसीज एक्ट एवं विधि अनुकूलन नियम के अनुसार धारा के तहत कठोर कार्रवाई करे जाहि।


अऊ खबर

img not found

06/09/2020 अपराध

img not found

21/11/2019 धान

Top