सिमगा : गैस सिलेंडर ले भरे ट्रक के लूट , पांच आरोपी पुलिस गिरफ्त म


सिमगा : गैस सिलेंडर ले भरे ट्रक के लूट , पांच आरोपी पुलिस गिरफ्त म
  24/09/2020  


चंद्रप्रकाश टोण्डे

सिमगा :  नेशनल हाईवे म गैस सिलेण्डर से भरे ट्रक लूटईया एक बालक सहित 5 आरोपी ल पुलिस ह 12 घंटा के भीतर गिरफ्तार करे म सफलता हासिल करे हे, आरोपी मन नेशनल हाईवे म डस्टर वाहन ल ट्रक के आघू अड़ाकर घटना ल अंजाम देहे रिहस, ए दौरान ट्रक के वाहन चालक के संग मारपीट कर ओकर अपहरण कर लेहे रहिस , वहीं घटना ल रोकने के प्रयास करत हुये एक अन्य वाहन चालक के संग घलोक आरोपी मन मारपीट करे रहिन ।

पुलिस टीम तत्काल घटनास्थल पहुंच डस्टर वाहन अऊ आसपास रहवईया लोगन से पतासाजी करिन, एकर बाद महत्वपूर्ण सुराग हासिल कर चारों आरोपी अऊ ओकर संग देवईया अपराधिक षडयंत्र म शामिल सहयोगी एक अन्य आरोपी ल गिरफ्तार करिस, जेमा नवीन प्रकाश मिश्रा, उज्जवल सिंह, शिवकुमार उर्फ राजू, सैयद शहनवाज अली अऊ विधि से संघर्षरत बालक सहित कुल 5 आरोपी ल पकड़े म पुलिस ह सफलता पाईस , आरोपी मन बताईन कि गैस एजेंसी के प्रतिस्पर्धा म होअत नुकसान के भरपाई बर व्यवसायिक रंजिश के चलत गैस से भरे ट्रक लूटे के योजना बना के आरोपी मन योजनाबद्ध तरीके से घटना ल अंजाम देहे रहिस ।


अऊ खबर

img not found

06/09/2020 अपराध

img not found

21/11/2019 धान

Top