लॉक डाउन के पहिली बाजार म उमडिस भारी भीड़,राशन-सब्जी के भाव छुईस आसमान.कम समय म सबले ज्यादा कीमत बढ़े के बनिस नावा कीर्तिमान


लॉक डाउन के पहिली बाजार म उमडिस भारी भीड़,राशन-सब्जी के भाव छुईस आसमान.कम समय म सबले ज्यादा कीमत बढ़े के बनिस नावा कीर्तिमान
  24/09/2020  


मोहन नायक 


रायगढ़ : कोरोना के बढ़त संक्रमण ला देखत रायगढ़ जिला के नगरीय निकाय मन म घले 24 ले 30 सितंबर तक लॉक डाउन करे गईस हे।संगे संग पूरा जिला म धारा 144 लागु हावे,जेकर ले ये साफ हे की ग्रामीण अंचल म भले लॉक डाउन नई ये लेकिन भींड या कोई सामूहिक बैठक या कछु प्रकार के आयोजन हौय नी सके।हालांकि येकर जगह-जगह म खुले आम धज्जी घले उड़त हावे।जे दिशा म सम्बंधित पंचायत ला ध्यान देहे के जरूरत हावे।
लॉक डाउन ला लेके पहिली ले लोगन मन ला जानकारी मिल गे रहिस,तेकर खातिर राशन, सब्जी अउ रोज के जरूरी  उपयोग के   चीज मन ला खरीदी करे बर लोगन मन के रायगढ़ ले के सारंगढ़, बरमकेला,सरिया सहित सबो जगह भींड उमड़ पडिस।बाजार मन के भीड़ देखके अइसन लागिस की कोई उत्सव या तीज तिहार चलत हे।सोशल डिस्टेंसिंग अउ नियम के देखोइया तकरीबन गायब रहिंन।खासकर सारंगढ़  अउ बरमकेला में तो कहना ही का।जेकर जइसन मर्जी वइसन करे के जैसे आजादी मिले रहिस।येकर से ये तो तय ये की कतको संक्रमण के खतरा रहे लोगन मन में कोरोना के भय अउ जन जागरूकता के अभाव हावे।भय हे तो सिरिफ पुलिसिया कार्यवाही के।जन जागरूकता फैलाये म जन प्रतिनिधि अउ राजनैतिक दल मन के घले बड़खा योगदान रहिथे लेकिन येकर उल्ट नियम के धज्जी उड़ाए म येही मन आघु हावे।चाहे दल कोई हो पिछु नी ये।

कम समय म ज्यादा कीमत  बढ़े के बनिस कीर्तिमान

अइसन स्थिति म राशन, साग सब्जी अउ जरूरी चीज मन के कीमत बढ़ना तय ये।मांग ज्यादा अउ सामान कम तो जेकर खूब मुनाफा उठाईन सबो ये ब्यापार ले जुड़े लोगन मन।प्रशासन,नगरीय निकाय मूकदर्शक बने दिखिस।आखिरी दिन पटेलपाली सब्जी मंडी म जरूर तीन ब्यापारी मन के ऊपर कार्यवाही करे गईस।लेकिन अइसन कार्यवाही दू दिन पहिली ले अउ हर जगह होना रहिस,लेकिन कुछु नई होईस।जेकर कारण ले पिछु तीन दिन में राशन सामान,आलू ,प्याज,टमाटर,भिन्डी,भाजी,गोभी,परवल, कुंदरू,करेला सहित सबो सब्जी के भाव आसमान छुए लगिस।जेन आलू पहिली 30 -35रु बिकत रहिस सारंगढ़ में तो 50 से 80 रु तक पहुंच गे।ये स्थिति बाकि सब्जी के घले रहिस।दाल,तेल,नमक सबके भाव बढ़ चुके हावे।जबकि अइसन कई सब्जी हावे जेकर उत्पादन स्थानीय स्तर म होवत हे।लेकिन अवसर के फायदा खूब उठाय मिलत हावे।सब्जी में तो कोई प्रिंट नई रहे न कीमत तय हे।लेकिन जेकर प्रिंट कीमत हावे ओकर ले घले नमकीन अउ आउ सामान मन खूब भाव बिकत हावे।अब तो अइसन हालात बन गे हे कस्बानुमा अंचल मन म कोरोना काल के पहिली ले तकरीबन सबो के कीमत हर 10 ले 25 फीसदी बढ़ गे हे।अइसन स्थिति म मुश्किल होवत हे तो रोज कमाओ रोज खाओ वाला मजदूर,छोटे छोटे जीविका करोइया मन ला जेला परिवार अउ पेट की चिंता सताए लगिस न।निजी कंपनी मन में काम करोईया मन घले तकलीफ में हावे। कुल मिलाके के लोगन मन एक तरफ कोरोना के मार झेलत हे तो दूसर तरफ भारी महंगाई के।


लेकिन ये सबके बीच जनता के हित अउ सुरक्षा बरही लॉक डाउन करे गईस हे।जेला न सिरिफ नगर मन म बल्कि गॉव गॉव म घले धारा 144 के पालन कराये बर ब्यवस्था में कसावट लाने अउ नियमित मॉनिटरिंग करे के दरकार हावे।आखिर रायगढ जिला मघले कोरोना के स्थिति भयावह हे ।यहाँ पांच हजार ले ज्यादा लोगन मन संक्रमित हौय  के संगे संग तीन दर्जन ले अधिक मौत हो चुकिस न।अउ आघु ये सिलसिला बढ़त जात हे।अबू ज़ोन नई सुधारही अपन ला तो फिर कोरोना हर  अपन लपेटे में लेके सुधार दिही।अइसन म न्यूज़ 36 के सबो संगवारी मन ला अपील हावे।खुद बर अउ अपन परिवार के सलामती बर सावधानी के साथ बचाव के सबो नियम ला जरूर पालन करोव।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान