NHM कर्मचारी मन ल वापिस करिन कोरोना वारियर्स के सम्मान


NHM कर्मचारी मन ल वापिस करिन कोरोना वारियर्स के सम्मान
  24/09/2020  


नारायण दत्त तिवारी

कोरिया : स्वतंत्रता दिवस के अवसर म छत्तीसगढ़ सरकार ले कोरोना वारियर्स ल सम्मानित करे बर, जउन प्रशस्ति पत्र दिए गए रहिस ओकर वापसी जिला भर के, संविदा कर्मचारी मन आपन आपन कार्यालय के वरिष्ठ अधिकारिन के लौटाए दिहिन। संविदा स्वास्थ्य कर्मीन ल कहना हे कि सरकार कोरोना वारियर्स के दर्जा देके वादा ख़िलाफ़ी करथे, भविष्य म अपन मांग ल लेके हमर लडाई जारी रही। छत्तीसगढ़ सरकार विभाग म पहिले ले मौजूद कर्मचारी मन के अनदेखा करत, रिक्त पद म उनकर रेगुलर भर्ती करे के बजाय दूसर भर्ती कर रहे हे जो कि गलत हे।

 NHM जिलाध्यक्ष सुधांशु श्रीवास्तव ल कहना हे कि, एही के विरोध म ये हड़ताल करे जा रहे हे। सरकार ले मांग करत कहिन कि संविदा स्वास्थ्य कर्मी मन ल नियमित करे जाए। अगर समय रहत अइसा नहीं करे जाए तो संघर्ष अउर तेज करे जाही। ऐही कड़ी म आज जिला भर के एनएचएम कर्मचारी कोरोना वारियर्स के सम्मान पत्र जिला स्वास्थ्य कार्यालय म वापस कर दिहिन।
 वहें छत्तीसगढ़ सरकार ले लगातार बयान दिहे जा रहे हे कि, संविदा कर्मचारी कोरोना संक्रमण काल म हडताल करके सही नहीं करिन। जबकि संविदा स्वास्थ्य कर्मी मन ल कहना हे कि हमर केतको साथी कोरोना के भय म कार्य करत रहिन,आपन चिंता नई हे लेकिन हमर बाद परिवार के जिम्मेदारी के संकट होवत हे ।सरकार ल अईसन बेरा म बातचीत ले कोनो डहर निकाले चाही आखिर संविदा कर्मचारिन खातिर सरकार के रुख ऐतका उदासीन काबर हे। जब कोरोना काल म स्वास्थ्य कर्मिन के सबले ज्यादा जरुरत रहिस, तब सरकार नवा भर्ती करे के जरूरत नहीं समझिस। प्रदेश के स्वास्थ्य व्यवस्था ल देखत सरकार के कोनों उपाय करे चाही जेकर ले संविदा स्वास्थ्य कर्मी मन ल न्याय मिल सके।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top