सिर कुचल के राजमिस्त्री के हत्या,खून ले लथपथ लाश मिले म लोगन म दहशत,देर रात तक हो सकत हे खुलासा


सिर कुचल के राजमिस्त्री के हत्या,खून ले लथपथ लाश मिले म लोगन म दहशत,देर रात तक हो सकत हे खुलासा
  25/09/2020  


मोहन नायक


रायगढ़। जूटमिल थाना क्षेत्र म    बोंदा टिकरा डैम के तीर  म एक युवक के खून ले लतपथ लाश मिले म क्षेत्र के लोगन मन में सनसनी फैल गईस अउ स्थानीय निवासी मन के दुवारा येकर सूचना रायगढ़ के जूटमिल थाना ला दिए गईस।वारदात के खबर पाके जूटमिल पुलिस मौका म पहुँच के जाँच पड़ताल शुरू कर दिस हे।

जइसन की बताये जात हे ओकर मुताबिक मृतक ला मिट्ठूमुड़ा रायगढ़ के नरेश कुमार सारथी के रूप म पहचान किये जात हे ,जोन हर की राजमिस्त्री के काम करके अपन परिवार के लालन पालन करत रहिस। जोन हर मूल रूप ले पुसौर ब्लाक के रुचिदा गॉव के ये।काम के सिलसिला म मिट्ठुमुड़ा म रहत रहिस।जेहर कल शाम ले  अपन मोटर साईकिल लेके घर ले बाहर गे रहिस।लेकिन रात तक नई फिरिस अउ मोटर साईकिल हर रात म करीब 9 बजे घर के तीर खड़े मिलिस तो ओकर  परिजन मन के दुवारा रात भर अपन रिश्तेदार अउ आसपास म खोजबीन करे गईस लेकिन कुछु पता नई चले रहिस।जब आज बोंदा टिकरा डैम के तीर म लाश मिले के बात सामने आईस तो ओकर पहचान नरेश के रूप म करे गईस जेहर विबाहित हौय के संगे संग दू ठन लइका के बाप रहिस।अइसन स्थिति म परिवार म बहुत बड़खा दुख के पहाड़ टूट पड़े हावे।जेकर ले ओकर परिवार मन ला गहरा आघात लगे हे।मृतक के घटनास्थल म लाश देखे के बाद ये साफ जाहिर होत हे की युवक के सिर कुचल के क्रूर हत्या करे गिस हे।पुलिस दुवारा परिजन अउ आसपास के लोगन मन ले पूछताछ कर के मामला के गम्भीरता ला देखत कई एंगल म जाँच पड़ताल करे जावत हे।फ़िलहाल पोस्टमार्टम रिपोर्ट आना बाकी हे।जइसन भी हो लेकिन विभत्स हत्या के वारदात ले रायगढ़ शहर म सनसनी फैल गे हे। वारदात रायगढ़ जिला मुख्यालय के ये अइसन में पुलिस कप्तान सन्तोषसिह सहित आला अधिकारी मन पल पल के जानकारी लेत जरूरी दिशा निर्देश घले देत हावे। अउ सीएसपी अनुराग ठाकुर जूटमिल थाना प्रभारी अमित पाटले  पड़ताल म जुटे हावे।पुलिस के सक्रियता आला अफसर मन के सीधा दिशा निर्देश आउ शुरुवाती पूछताछ के बाद उम्मीद करे जा सकत हे पुलिस जल्दी ही अंजाम तक पहुंच के खुलासा कर सकत हे।अब देखना ये की ये वारदात ले पर्दा आज देर रात तक उठ पाही या दूसरा दिन?फिलहाल तो लोगन मन में सनसनी,दहशत अउ उत्सुकता फैले हुए हे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top