रायपुर : कोरोना के दुबारा अटैक, कतका खतरनाक, होही अनुसंधान


रायपुर : कोरोना के दुबारा अटैक, कतका खतरनाक, होही अनुसंधान
  27/09/2020  


रायपुर. प्रदेश म दूबार कोरोना संक्रमित होए के मामले भले कम हो फेर एकर असर के अध्ययन के तैयारी करे जावत हे । प्रदेश म अब ए तरह के डेढ़ दर्जन से ज्यादा मामला आघू आए हे । कोरोना रिर्टन भले  खतरनाक नई माने जावत हे फेर अईसन मामला बाढ़े ले मुसीबत हो सकत हे । प्रदेश म कोरोना संक्रमण ने खासा जोर पकड़े हुए हे लाकडाउन के बीच भी कोरोना के आंकड़ा बाढ़त जावत हे, कल प्रदेश म 3896 नवा करोना मरीज मिलिस त कोरोना के केस बाढ़ के एक लाख ले उपर घलोक पहुंच गईस, ए बीच कई अईसे मामला आघू आवत हे  कि जेन कोरोना ल हरा के स्वस्थ हो गए रहिन तेन मन फेर कोरोना वायरस के चपेट म आवत हे, पाछू दिन एक आईएएस, महिला चिकित्सक अऊ पुलिस विभाग के एक आला अफसर दूबार  संक्रमित पाए गईस, हालांकि जांच के दौरान शरीर म डेड वायरस होने के हवाला देहे गईस अऊ ए तर्क आघू आईस कि संक्रमित मरीज के दोबारा हावी होए के दौरान वायरस पावरफुल नई होवय अऊ ओ ह दूसर ल संक्रमित घलोक नई कर सकय । 

प्रदेश म दुबारा पॉजिटिव होने के मामला फिलहाल बहुत कम हे, फेर एला हल्का म न लेत हुए री-अटैक के असर जाने बर अध्ययन के तैयारी करे जावत हे। मेडिकल काॅलेज अईसन मामला म दुबारा संक्रमण संबंधी जानकारी एकत्रित करत हे। पीएसएम के विभागाध्यक्ष डा. निर्मल वर्मा के मानिन त ए बारे म अभी विचार करे जावत हे अऊ अवईय़ा दिन म योजना बनाकर एमा काम करे जाही ,ए मामला म भी अध्ययन होही कि जेन मन ल दुबारा कोरोना होए हे उंकर भीतर एंटीबॉडी डेवलप नई होए पात हे कि कमजोर होअत हे जेकर सेति कोरोना फेर चपेट म लेवत हे । एकरो अध्य्यन करे जाबी कि कही कोविड के वायरस अपन ट्रेंड त नई बदलत हे ।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top