रायगढ़ : एक युवक दू महिला ल उतारिस मौत के घाट, तीसरा गम्भीर हालत म अस्पताल म,आरोपी पुलिस हिरासत म पूछताछ जारी


रायगढ़ : एक युवक दू महिला ल उतारिस मौत के घाट, तीसरा गम्भीर हालत म अस्पताल म,आरोपी पुलिस हिरासत म पूछताछ जारी
  27/09/2020  


मोहन नायक

रायगढ़। ये सनसनी खेज वारदात रायगढ़ जिला के पुसौर थाना के तडोला गांव ले सामने लाईस हे।जइसन की जानकारी मिले हे एक युवक जेकर नाम मनीष यादव बताये जात हे, नाली विवाद म दू महिला के हत्या कर दिस, जेमन के घटना स्थल म ही मौत हो गे।एक अन्य महिला जेकर हालात गम्भीर बने हावे,इलाज बर रायगढ़ भेजे गे हे।वारदात के सुचना पाके पुलिस तुरंत एक्टिव हो गे। घटना के बाद पुलिस कप्तान सन्तोषसिंह अउ डीएसपी गरिमा दुवेदी वहाँ पहुंच के हालात के जायजा लिहिन।संगे संगआरोपी ला पुलिस हिरासत में ले के पूछताछ करत हे।एक छोटकुन मामला ला लेके अटक बड़खा वारदात ल अंजाम देहे से इलाका म सनसनी फैल गे अउ लोगन मन में दहशत अउ हड़कम्प मचे हावे।फ़िलहाल पुलिस के पड़ताल जारी हावे,आघु आउ कछु खुलासा हो सकत हे।


अऊ खबर

img not found

06/09/2020 अपराध

img not found

21/11/2019 धान

Top