लोरमी : स्व सहायता समूह के एकता ले शराबबंदी होइस सफल


लोरमी : स्व सहायता समूह के एकता ले शराबबंदी होइस सफल
  27/09/2020  


मुंगेली : विकासखण्ड लोरमी के ग्राम सेमरसल म विद्यार्थी अउ स्वसहायता समूह के महिला मन के एकता ले शराबबंदी होइस हे । ग्रामीण के महिला मन बताइस हे कि सामुहिक रूप ले नशेड़ी मन के विरुद्ध म गश्त व रैली निकाल के नारेबाजी करथे। कोई कोई नशेड़ी शराबबन्दी विरोधी मन धमकी घलो दे हवये तभो ले महिला मन नई डरिस हे । सबो महिला मन एकता हो के शराबबंदी बर आघु आईच । गुरुजी राजकुमार कश्यप ह बताईस हे कि स्कूल के विद्यार्थी अउ शिक्षक मन नशाबंदी बर गांव वाला मन ल जागरूक कर बर नाटक, रैली , नुक्कड़, व सभा के आयोजन करे गए रहिस। ये अभियान के तौर म लइका मन अपन माता पिता मन ल शराब ले होवइया नुकसान व बर्बादी ल बतावत शराबबंदी बर अखर मन बनाइस । लॉकडउन के समय म महिला स्वसहायता समूह के माध्यम ले शराबबंदी के फैसला लेइस अउ ये शराबबन्दी के अभियान म गांव के नवजवान युवा मन के भी सहयोग रहिस । ये कार्यक्रम म संध्या सिंह स्वसहायता समूह के अध्यक्ष ,  प्रमिला , गंगा , सुकृति साहू , उतरा , राजकुमारी , सावित्री , विजय निषाद , धनेश्वर निषाद , कोमल पटेल , विजेंद्र साहू , सुनील मिश्रा , माधुरी पटेल , जोगी ठाकुर , दीपेश साहू अउ अन्य मन शामिल रहिस।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top