कोरिया : पत्रकार उपर हमला , जनकपुर के पत्रकार मुख्यमंत्री के नाम एसडीएम ल दिहिन ज्ञापन , गिरफ्तारी के करिन मांग


कोरिया : पत्रकार उपर हमला , जनकपुर के पत्रकार मुख्यमंत्री के नाम एसडीएम ल दिहिन ज्ञापन , गिरफ्तारी के करिन मांग
  28/09/2020  


 

नारायण दत्त तिवारी

कोरिया : कांकेर जिला के वरिष्ठ पत्रकार कमल शुक्ला उपर होय हमला ल देखत, जनकपुर पत्रकार कल्याण संघ ले जनकपुर अनुविभागीय अधिकारी वीरेंद्र लाकड़ा के, छत्तीसगढ़ मुख्यमंत्री के नाम ज्ञापन सौपिंन अउ गिरफ्तारी कर धारा 307 लगाये के मांग करिन । मुख्यमंत्री ल अवगत करावत लिखिन कि छत्तीसगढ़ म पत्रकार उपर अत्याचार,धमकी,मारपीट लगातार बढ़ रहे हवे। आप मन के मुख्यमंत्री रहत प्रदेश के कोनों अईसा कोनो जिला नहीं बाचे हे, जहां हमर पत्रकार साथी संग धमकी,मारपीट जईसा घटना ना घटे होय। कांकेर के वरिष्ठ पत्रकार कमल शुक्ला उपर कुछ लोगन ले बीच बाजार म जानलेवा हमला करे गय, जान से मारे के कोशिश कोशिश करे गईस अउ वरिष्ठ पत्रकार कमल शुक्ला के जान के खतरा घलो हे। ऐही से हमलावर के जल्दी करके गिरफ्तार कर धारा 307 का मुकदमा दर्ज करे जाए अउ प्रदेश के पत्रकार उपर लगातार हो रहे अत्याचार मारपीट धमकी ले रोक लगावे खातिर जिला के पुलिस अधीक्षक ल तुरंत निर्देश दिहे जाए।


प्रदेश म कांग्रेस सरकार चुनाव जीते के पहिले वादा करे रहिस कि कांग्रेस के सरकार बनही त पत्रकार सुरक्षा कानून लागू करे जई लेकिन ये कानून के अब तक कोनों पता नई हे। जिकर ले अईसन घटना ल रोके जा सके, अउ हमर पत्रकार साथी निर्भीक होके अपन कार्य कर पावें।  ज्ञापन देवत बेरा पत्रकार कल्याण संघ जनकपुर के अध्यक्ष नाथूराम प्यासी, मदन तिवारी, सतीशमिश्रा,बृजभान अहिरवार, सुनील सिंह, रजनीश श्रीवास्तव, इश्नू यादव उपस्थित रहिन।


अऊ खबर

img not found

06/09/2020 अपराध

img not found

21/11/2019 धान

Top