रायगढ़ : ट्रक अउ पिकअप के होईस भिड़ंत,दू जूनियर इंजिनियर समेत चार लोगन के मौत, खरसिया क्षेत्र म होईस हादसा


रायगढ़ : ट्रक अउ पिकअप के होईस भिड़ंत,दू जूनियर इंजिनियर समेत चार लोगन के मौत, खरसिया क्षेत्र म होईस हादसा
  01/10/2020  


मोहन नायक

रायगढ़।आज रात रायगढ़ जिला के खरसिया क्षेत्र म ट्रक अउ पिकप के आमने -सामने टक्कर होय ले भीषण दुर्घटना घटित हौय के ख़बर आत हे।टक्कर कतक भीषण रहिस हे येकर अंदाजा पिकअप के परचक्के उड़े ला देख के लगाये जा सकत हे। दिल दहलाये वाला ये दुर्घटना खरसिया छाल रोड म भालुनारा के तीर रात के करीबन 9:30बजे के ये।तेज रफ्तार ट्रक CG04 MF 4989 के ड्राइवर तुंरत फरार हो गे।जबकि पिकअप में बैठे विद्युत विभाग के दू जूनियर इंजीनियर अउ एक लाइनमेन, एक ड्राइवर सहित कुल चार लोगन के मौत हो गे।येमा के दू झन के मौत घटना स्थल म ही होंगे जबकि दू के खरसिया सिविल हॉस्पिटल में हो गे। बताय ये जात हे की ये विधुत विभाग के ये अधिकारी मन जाँच पड़ताल करे गे रहिंन अउ वापिस होवत रहिंन।
ये दुर्घटना म जेन मन के मौत होंगे ओमे सुशील सिदार जेई,खरसिया, उम्र 42 वर्ष।निवासी चंद्रपुर।दूसरा अमल एक्का जेई,टूरेकेला,उम्र 30 वर्ष, निवासी कोरबा।तीसरा राजेन्द्र सिदार लाईन मेन ,उम्र 43 वर्ष,निवासी परसकोल अउ चौथा पिकप चालक भार्गव वैष्णव उम्र 28 वर्ष,खरसिया शामिल हैं। घटना के खबर ले क्षेत्र में शोक के लहर फ़ैल गे।पूरा अंचल गमगीन होंगे।देर रात तक विद्युत विभाग के जिला के अधिकारी मन के घले पहुंचे के खबर हावे।आखिर एक साथ चार लोगन के मौत खासकर के युवा अउ ड्यूटी करत फिरत मौत हर जरूर झकझोरत हे।सवाल घले खड़ा करत हे  बार बार होवत ये सड़क  हादसा मन के आखिर जिम्मेदार कौन ये?


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top