जांजगीर : बापू अउ शास्त्री जी के जयंती म ब्लॉक अउ नगर स्तर म "किसान मजदूर बचाओ दिवस" के रूप म मनात हे कांग्रेस


जांजगीर : बापू अउ शास्त्री जी के जयंती म ब्लॉक अउ नगर स्तर म
  01/10/2020  


राधाकृष्ण गोपाल

जांजगीर : आज 2 अक्टूबर के राष्ट्रपिता महात्मा गांधी जी अउ पूर्व प्रधानमंत्री पंडित लाल बहादुर शास्त्री जी के जयंती म कांग्रेस पार्टी ह "किसान मजदूर बचाओ दिवस" के रूप म मनाये जाही। उक्त आशय के जानकारी जिला कांग्रेस के प्रवक्ता द्वय रफीक सिद्दीकी अउ शिशिर द्विवेदी ह बताइस कि कांग्रेस पार्टी हमेशा ले किसान अउ मजदूर मन के हित के रक्षा खातिर लड़ाई लड़त रहे हे। इही कड़ी म कल 2 अक्टूबर के हर बच्छर असन राष्ट्रपिता महात्मा गांधी जी अउ पूर्व प्रधानमंत्री पंडित लाल बहादुर शास्त्री जी के जयंती ये साल "किसान मजदूर बचाओ दिवस" के रूप म मनाए जाही। जेमा जिला के जम्मो ब्लॉक अउ नगर मुख्यालय म कोरोना संक्रमण ले बचाव के उपाय ल अपनात, किसान अउ मजदूर के आवाज ल बुलंद करत जयंती कार्यक्रम ल मनाय जाही। आप मन जानत हव कि अखिल भारतीय कांग्रेस कमेटी के मार्गदर्शन म छत्तीसगढ़ प्रदेश कांग्रेस कमेटी कति ले 24 सितंबर ले 31 अक्टूबर तक केंद्र के नरेंद्र मोदी के अगुवाई वाला भाजपा एनडीए सरकार कति ले लाए गए कृषि सुधार विधेयक के विरोध संसद से लेके सड़क तक का आंदोलन तेज करत व्यापक अउ चरणबद्ध कार्यक्रम बनाए गए हे। जेमा अक्टूबर महिना म 2 अक्टूबर के महात्मा गांधी जी अउ शास्त्री जी के जयंती ल जम्मो ब्लॉक अउ नगर स्तर म "किसान मजदूर बचाओ दिवस" के रूप म मनाय, दिनांक 10 अक्टूबर के राजधानी रायपुर म "राज्य स्तरीय किसान सम्मेलन" अउ अक्टूबर महिना के अंदर ही प्रदेश के जम्मो विधानसभा स्तर म 25000 किसान मजदूर भाई बहनी के हस्ताक्षर लेके भारत के राष्ट्रपति के नाम ज्ञापन दिये जाही। जिला कांग्रेस कमेटी के अध्यक्ष डॉ. चौलेश्वर चंद्राकर ह ये महत्वपूर्ण आंदोलन के कुशल संचालन खातिर जम्मो ब्लॉक स्तर म 2-2 प्रभारी नियुक्त किए हावय जो ब्लॉक अउ नगर कांग्रेस कमेटी के अध्यक्ष मन से संपर्क करके आंदोलन ल तेज गति ले आगे बढ़ाय के काम करही।


अऊ खबर

img not found

06/09/2020 अपराध

img not found

21/11/2019 धान

Top