जानलेवा होवत हे साजा डोंगीतराई मार्ग नई लेवत कोनो सुध, लोकनिर्माण विभाग हे कुम्भकर्णी नींद मे


जानलेवा होवत हे साजा डोंगीतराई मार्ग नई लेवत कोनो सुध, लोकनिर्माण विभाग हे कुम्भकर्णी नींद मे
  07/10/2020  


टुमेश जायसवाल

बेमेतरा : साजा- ब्लाक मुख्यालय के   ग्राम डोंगीतराई रद्दा के  हालत बद से बद्दतर हो गये  हे,  सड़क म  कुंआ नुमा गड्ढा  ह  कोनो  भी  समय बड़े  दुर्घटना के कारण  बन  सकत हे,  ऊपर ले  गड्ढा  म भरे पानी आम राहगीर मन  बर  कोनो  मुसीबत ले कम नहीहे  गौरतलब हो कि कृषि मंडी के आगू  लेके   बलराम वाटिका तक ये  गांव  के   मुख्य सड़क के  हालत बहुत  खराब अउ  खतरनाक हे  जेमा   गड्ढा के  कोई गिनती नही हे अइसन  म एक कति  प्रदेश के लोकनिर्माण मंत्री लोकनिर्माण विभाग के अधिकारि के बैठक लके  उनला  सड़क के  संधारण अउ गड्ढा के  पटई करवा सड़क ल  सुगम आवागमन लायक बनाये के  निर्देश देथे,   त  दूसर कति साजा लोकनिर्माण विभाग के अधिकारी ग्राम डोंगीतराई के  अति जर्जर जानलेवा सड़क के  हालत ले  बेखबर हे या फिर कोनो  बड़े  दुर्घटना के  इंतिजार  म हे। ये  सम्बंध म साजा लोकनिर्माण विभाग के अनुविभागीय अधिकारी पटेल ले  प्रतिक्रिया लेबर  उखर  मोबाइल म फोन लगाये  म कवरेज ले  बाहर बताइस ।


अऊ खबर

img not found

06/09/2020 अपराध

img not found

21/11/2019 धान

Top