कोरिया : अखिल भारतीय अधिवक्ता परिषद के प्रदेश मंत्री कहिस, पत्रकार उपर होय हमला लोकतंत्र उपर हमला हे


कोरिया : अखिल भारतीय अधिवक्ता परिषद के प्रदेश मंत्री कहिस, पत्रकार उपर होय हमला लोकतंत्र उपर हमला हे
  07/10/2020  


कोरिया : छत्तीसगढ़ म वरिष्ठ पत्रकार कमल शुक्ला उपर करे गये हमला ल लेके कड़ी निंदा करत अखिल भारतीय अधिवक्ता परिषद के प्रदेश मंत्री संजय गुप्ता ह कहिन कि पत्रकार शुक्ला उपर हमला भर नहीं हे, बल्कि लोकतंत्र उपर हमला हे, प्रदेश सरकार के उद्देश्य चौथा स्तम्भ ल कमजोर करना हे , ये घटना ल जेतका निंदा करे जाए ओ ह कम हे। आज सगलू देश वैश्विक महामारी ले जूझत दिखथे, वहें हमार पत्रकार साथी आपन जान जोखिम म डाल के जिम्मेदारी ल निभाथे। अईसन म प्रदेश के कांग्रेस सरकार पत्रकार मन के सुरक्षा अउर सम्मान करे ल छोड़ उनकर उपर जानलेवा हमला करवा थे। प्रदेश के सरकार अब निरंकुश हो चुके हे, सरकार के जांच एजेंसी उनकर इशारा म काम कर रहे हे , बीते दिना चुनाव के पहिले कांग्रेस पत्रकार सुरक्षा कानून ल लेके खूब दम्भ भरत रहिस कि जल्दी प्रदेश म पत्रकार सुरक्षा कानून लाय जई अउ पत्रकारन उपर बढ़त घटना म अंकुश लगही,लेकिन सत्ता म आवे के बाद आपन लोकलुभावन वाददा खुद भूल गए हवे ।

अधिवक्ता संजय गुप्ता ह छत्तीसगढ़ सरकार ले मांग करिस कि घटना के निष्पक्ष जांच कराय के, घटना म शामिल लोगन उपर कठोर कार्यवाही करे जाय साथ म प्रदेश म पत्रकार सुरक्षा कानून लागू करे जाय‌। जेकर ले आये दिन पत्रकार उपर, होय वाले घटना म विराम लग सके।


अऊ खबर

img not found

06/09/2020 अपराध

img not found

21/11/2019 धान

Top