बिलासपुर : पाँच माहिना के दुधमुहा लईका ल अपोलो म मिलिस नवा जीवन


बिलासपुर : पाँच माहिना के दुधमुहा लईका ल अपोलो म मिलिस नवा जीवन
  16/10/2020  


अमन पाण्डेय / बिलासपुर     

              अपोलो हॉस्पिटल बिलासपुर फेर एक पईत चिकित्सा के क्षेत्र म कीर्तिमान स्थापित करत हुए पाँच माहीना के लईका ल नवा जीवन दिये हे। लईका ह कोविड-19 संक्रमित हो गए रहिस अउ ओ ह इंटरसेप्शन ले ग्रसीत रहिस। इंटरसेप्शन वो स्थिति होथे जेन म दू आंत एक दूसर म फंस जाथे। ये बहुत गंभीर स्थिति होथे । डॉ. सुशील कुमार (वरिष्ठ शिशु रोग विशेषज्ञ, अपोलो हॉस्पिटल बिलासपुर) बताईस के लईका ल बुखार के संग 2-3 दिन ले दस्त होवत रहिस, काफी विचार विमर्श के बाद लईका के कोविड-19 टेस्ट कराए गईस जेमा वो ह संक्रमित निकलिस। डॉ. सुशील बताईस के कोरोना के पेट संबंधी लक्षण म डायरिया अउ उल्टी ही प्रमुख हवय।

           लईका के कोरोना संक्रमित होए के बाद अस्पताल प्रबंधन के द्वारा तत्काल नवजात ICU म एक आईसोलेशन कक्ष के निर्माण करके लईका के इलाज चालु करे गईस अउ विचार विमर्श करके लईका के आंत के ऑपरेशन करके ओला अलग करे के निर्णय करे गईस। ये ऑपरेशन ल डॉ. अनुराग कुमार ह डॉ. रसिका कनस्कर के सहयोग ले अंजाम दिहिस।

              डॉ. मन बताईन के केवल 5 महिना के लईका म 10 दिन तक ओखर महतारी ले अलग रखना मुश्कील रहिस। लेकिन नर्सिंग टीम के सदस्य मन लईका ल कोई परेशानी नई होए दिन। लईका के दाई ददा अपन लईका ल स्वस्थ पाके बहुत खुश हें।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top