तिल्दा-नेवरा : बीच जंगल म चलथे जुआ,कार्रवाई नइ होय ले जुआरी मन के हौसला बुलंद


तिल्दा-नेवरा :  बीच जंगल म चलथे जुआ,कार्रवाई नइ होय ले जुआरी मन के हौसला बुलंद
  30/10/2020  


केशव पाल तिल्दा-नेवरा। क्षेत्र म ए दिनों जुआ अउ सट्टा के अवैध कारोबार तेजी ले फलत-फूलत हे। शहरी अउ ग्रामीण क्षेत्र मन म जघा-जघा ए धंधा धड़ल्ले ले चलत हे। पर कार्रवाई के नाव म सिर्फ खानापूर्ति ही करे जात हे। जेकर ले ए धंधा म लिप्त लोगन मन के हौसला अउ बुलंद होवत जात हे। अतके नहीं पकड़ाय के डर ले जुआरी मन अब जंगल,झाड़ी के बीच म अपन डेरा जमाय हे। अउ समय-समय म जुआ खेले के जघा घलो बदलत रहिथे।
गौरतलब हे कि तिल्दा क्षेत्र के मढ़ी,बंजारी,जंजगीरा,खपरी अउ नकटी इलाका के जंगल के बीचों-बीच जुआ धड़ल्ले ले चलत हे। जेमा दूरिहा-दूरिहा ले जुआरी मन जुआ खेले बर आथे। जेन ह देर रात तक जारी रहिथे। चूंकि ए क्षेत्र म घना जंगल होय के कारण अवइया-जवइया लोगन ल येकर आभास तको नइ हो पावय। संगे-संग येती कोनो अधिकारी के घलो आना-जाना नइ राहय। इही पाय के सूना पाके जुआरी मन के येती जमावड़ा रहिथे। जबकि क्षेत्र के लोगन अउ जिम्मेदार मन येकर ले अंजान बने हुए हे। उंहे जिम्मेदार अधिकारी मन कार्रवाई के बजाय शिकायत के इंतजार करथे। जेकर ले येकर मन ऊपर ठोस कार्रवाई नइ हो पावत हे।


अऊ खबर

img not found

06/09/2020 अपराध

img not found

21/11/2019 धान

Top