10 सूत्रीय मांग ल लेके शासकीय अधिकारी कर्मचारी जम्मो झन एक होके आंदोलन सफल करे बनाईन रणनीति


10 सूत्रीय मांग ल लेके शासकीय अधिकारी कर्मचारी जम्मो झन एक होके आंदोलन सफल करे बनाईन रणनीति
  30/10/2020  


राधा कृष्ण गोपाल जांजगीर । शासकीय अधिकारी कर्मचारी फेडरेशन के आहावन म अपन 10 सूत्री मांग खातिर दिनांक 1 नवंबर के सत्याग्रह अउ 2 अउ 3 नवंबर के  सामूहिक अवकाश करके जिला मुख्यालय कर्मचारी भवन केरा रोड म धरना अउ दिनांक 3 नवंबर के जिला मुख्यालय म मंझनिया 12:00 बजे कर्मचारी भवन केरा रोड ले रैली निकाल के माननीय मुख्यमंत्री महोदय के नाम म ज्ञापन देहे के संबंध म आज  कर्मचारी भवन केरा रोड जांजगीर म जम्मो अधिकारी कर्मचारी संगठन के पदाधिकारी मन के महत्वपूर्ण बैठक आयोजित होइस अउ बैठक म फेडरेशन के संयोजक वी.एस.परिहार जी अउ जम्मो अधिकारी कर्मचारी संगठन के लोगन मन उपस्थित जिलाध्यक्ष अउ प्रतिनिधि मन संबोधित करीन अउ जम्मो झन ये निर्णय लिहीन ।  एकर पहली अनुसार जिला के जम्मो अधिकारी/कर्मचारी संगठन मन  के जिला अध्यक्ष अउ प्रतिनिधि मन के द्वारा लिए गए निर्णय अनुसार जिला जांजगीर चांपा  फेडरेशन म एकता रइही अउ जिला म होवैया अधिकारी/कर्मचारी हित के कोनो भी आंदोलन म जम्मो अधिकारी/कर्मचारी संगठन म शामिल रइही।  फेडरेशन के बैठक म जिला जांजगीर चांपा फेडरेशन के संयोजक वी. एस. परिहार, तृतीय वर्ग कर्मचारी संघ के जिला अध्यक्ष अर्जुन सिंह क्षत्रिय, राजपत्रित अधिकारी संघ के जिला सचिव रमाकांत पांडे, छ.ग. प्रदेश लिपिक वर्गीय शासकीय कर्मचारी संघ के जिला अध्यक्ष संतोष तिवारी, जिला संगठन सचिव नरेन्द्र सिंह, संरक्षक के. के .पान्डेय, स्वास्थ्य लिपिक प्रकोष्ठ अध्यक्ष सतीश राठौर, छ. ग. प्रदेश स्वास्थ्य कर्मचारी संघ के जिलाध्यक्ष मदनलाल साहू, जिला सचिव संजय सिंह, व्याख्याता संघ के जिलाध्यक्ष आर.के.पाण्डेय, छ ग प्रदेश संयुक्त शिक्षक संघ के अध्यक्ष जयंत सिंह क्षत्रिय, छ.ग.प्रदेश तृतीय वर्ग कर्मचारी संघ के  कार्यकारी अध्यक्ष अशोक राठौर,  जिला सचिव के.के.थवाईत, ट्रेड यूनियन के अध्यक्ष टीकम थवाईत, राज्य कर्मचारी संघ के जिला अध्यक्ष आर.जे.वर्मा अउ अन्य कर्मचारी गण उपस्थित रहीन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top