छत्तीसगढ़ राज के 21 वीं बछर मा प्रवेश के सुघ्घर बेरा म युवा समिति दुवारा भारत माता के करे गईस आरती,लगिस जयकारा


छत्तीसगढ़ राज के 21 वीं बछर मा प्रवेश के सुघ्घर बेरा म युवा समिति दुवारा भारत माता के करे गईस आरती,लगिस जयकारा
  01/11/2020  



मोहन नायक। रायगढ़।बरमकेला ब्लाक के वन्दे मातरम् युवा समिति साल्हेओना के सदस्य मन ह छत्तीसगढ़ राज्य अऊ भारतमाता के प्रतिमा के २१ वीं बछर मा प्रवेश के सुघ्घर बेरा मा भारतमाता के दिव्य प्रतिमा के आघु दीया जलाके,पूजा अर्चना अऊ आरती करिन। ए बेरा मा उपस्थित युवा मन ह छत्तीसगढ़ महतारी अउ भारतमाता के जयकारा जमके लगाइन साथ मा छत्तीसगढ़ राज के निर्माता,भारत रत्न स्वर्गीय अटल बिहारी बाजपेयी जी ल याद करके परदेस अउ देश के खुशहाली व समृद्धि बर प्रार्थना घलो करिन।
आप सबो ल जानकारी होही कि ०१ नवम्बर २००० के दिन मध्यप्रदेश ल अलग करके हमर छत्तीसगढ़ राज ल बनाय गे रहिस अऊ एहीं खुशी के बेरा मा ही ओइच दिन साल्हेओना गांव के बस स्टैण्ड मा वन्दे मातरम् युवा समिति के द्वारा बनाय गे भारतमाता के दिव्य प्रतिमा के लोकार्पण करे गे रहिस।
कार्यक्रम मा अध्यक्ष भीष्मदेव चौधरी,उग्रसेन साहू,चूड़ामणि पटेल, सीताराम पटेल,नौसागर चौधरी,राजू पटेल,जयराम पटेल,संजीत साहू अऊ माता बहिनी मन  मौजूद रहिन।


अऊ खबर

img not found

06/09/2020 अपराध

img not found

21/11/2019 धान

Top