तिल्दा-नेवरा : कैंनवास म उभारिस छत्तीसगढ़ महतारी के चित्र,सोशल मीडिया म धनेश के जमके होवत हे तारीफ


तिल्दा-नेवरा : कैंनवास म उभारिस छत्तीसगढ़ महतारी के चित्र,सोशल मीडिया म धनेश के जमके होवत हे तारीफ
  02/11/2020  


केशव पाल तिल्दा-नेवरा. कलाकार के कूची कैंनवास म जब मौलिक भाव ल उतारथे तब कुछ अद्भुत ही बनथे। भले दुनिया ए अद्भुत कृति ल तस्वीर,चित्र या पेंटिंग्स कई नांव दे देवय,पर वास्तव म वोहा चित्रकार के भावना के अभिव्यक्ति ही आय। आप जब ए तस्वीर मन ल देखथव त सिर्फ चित्रकार के कला के ही मुरीद नइ होवव बल्कि वोकर मनोभाव ल घलो अनुभव करथव। नेवरा-तिल्दा निवासी अंचल के प्रसिद्ध मूर्तिकार,चित्रकार अउ साहित्यकार धनेश साहू ह छत्तीसगढ़ राज्य स्थापना दिवस के मौका म पेटिंग ले कैनवास म छत्तीसगढ़ महतारी के सुंदर छायाचित्र बनाय हे। जेकर लोगन मन बहुत प्रशंसा करत हे। सोशल मीडिया म घलो लोगन मन एकर खूब तारीफ करत हे। धनेश के कहना हे कि वोमन पाछू कई बछर ले पेंटिंग्स अउ माटी के कलाकारी करत आवत हे। पर आर्थिक स्थिति कमजोर होय के कारण ओला बेहतर प्लेटफार्म नइ मिल पावत हे। आगे कहिन कि वोकर मन म जेन भाव उमड़ जथे उही ल वोहा कैंनवास म उकेर देथे। हर मनखे ल अपन संस्कृति अउ परंपरा ले जुड़ के रहना चाही। अउ वोकर ले मया करना चाही। तभे हमर चिन्हारी ह सुरक्षित रहि पाही।


अऊ खबर

img not found

06/09/2020 अपराध

img not found

21/11/2019 धान

Top