राष्ट्रीय स्वयंसेवक संघ बिलासपुर नगर के घोष विभाग के मनाए गईस वार्षिकोत्सव


राष्ट्रीय स्वयंसेवक संघ बिलासपुर नगर के घोष विभाग के मनाए गईस वार्षिकोत्सव
  02/11/2020  


अमन पाण्डेय / बिलासपुर

 

          राष्ट्रीय स्वयंसेवक संघ, बिलासपुर नगर ह हर बछर घोष विभाग के वार्षिकोत्सव के आयोजन करथे। हर बछर असन एहु दारी रविवार 01 नवम्बर के संझा घोष विभाग के वार्षिकोत्सव के आयोजन करे गईस। ये कार्यक्रम म बिलासपुर के लगभग 40 घोष वादक मन 1 घण्टा 10 मिनट तक घोष के कार्यक्रम प्रस्तुत करिन। कार्यक्रम म अनुशासित होके स्थिर वादन अउ कई अलग अलग व्यूह रचना (फॉर्मेशन) के प्रदर्शन घोष वादक मन के द्वारा करे गईस।

          ये कार्यक्रम म अध्यक्ष के रुप म श्री राजेश परसरमानी (सारंगी वादक) अउ मुख्य वक्ता के रूप म राष्ट्रीय स्वयंसेवक संघ के अखिल भारतीय सह व्यवस्था प्रमुख श्री अनिल ओक उपस्थित रहीन। मुख्य वक्ता अनिल ओक कहिस के “संघ के कमजोर दिखे वाले शाखा के आधार म ही संघ ह सबो बड़े बड़े देश अउ समाजहित के काम ल कर पाथे। जेखर उदाहरण अभी कोरोना संकटकाल म पुरा देश देखे हे। भारत माता ल केंद्र बिन्दु मान के राष्ट्रीय स्वयंसेवक संघ ह काम करथे, अउ ए काम ल करे बर व्यक्ति निर्माण के काम ही शाखा म होथे अउ घोष ह घलो व्यक्ति निर्माण के प्रक्रिया के एक साधन बस हवय।“

          ए कार्यक्रम म राष्ट्रीय स्वयंसेवक संघ के अखिल भारतीय शारीरिक शिक्षण प्रमुख श्री सुनिल कुलकर्णी, विभाग संघचालक श्री काशीनाथ गोरे, प्रांत प्रचारक श्री प्रेमशंकर सिदार, सह प्रांत प्रचारक श्री नारायण नामदेव सहित संघ के अउ कई बड़े अधिकारी उपस्थित रहिन। कार्यक्रम ल देखे बर बड़े संख्या म शहर के लोगन घलो जुरिआए रहिन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top