हत्या के आरोप म नेवरा पुलिस करे हे छः युवक ल गिरफ्तार


हत्या के आरोप म नेवरा पुलिस करे हे छः युवक ल गिरफ्तार
  06/11/2020  


केशव पाल / तिल्दा-नेवरा।

          हत्या के मामला म नेवरा पुलिस ह 6 युवक मन ल गिरफ्तार करे हे। बता दन कि 3 नवंबर के मिले लाश के मामला म जांच-पड़ताल चलत रहिस। जेमा गुरुवार के पुलिस हत्यारा मन तक पहुंचे म कामयाब हो पाइस। पुलिस ले मिले जानकारी के मुताबिक मृतक के पहिचान 29 बछर के कैलाश ध्रुव के रूप म होय रहिस। कैलाश इंहा एक चखना सेंटर म काम करत रहिस। दुकान के मालिक ह कैलाश ऊपर चोरी के इल्जाम लगाके अपन कुछ साथी मन के संग वोला बुरी तरह ले पीटे रहिस। ए कारण वोकर मौत होगे रहिस। नेवरा थाना प्रभारी शरद चंद्रा ह बताइस कि कैलाश के लाश पंचवटी नर्सरी के पास मिले रहिस। डंडा ले बुरी तरीका ले पीटे के कारण कैलाश ल गंभीर चोट आय रहिस। इही कारण वोकर मौत होगे। ए मामला म पुलिस आरोपी दीना अउ वोकर साथी थानेश,जय मोहन,सागर,शंकर अउ राजेश्वर ल गिरफ्तार करे हे।


अऊ खबर

img not found

06/09/2020 अपराध

img not found

21/11/2019 धान

Top