तेज रफ्तार गाड़ी मन ऊपर ट्रैफिक पुलिस के तेज कार्रवाई,रायपुर-बिलासपुर हाईवे म चलत हे चेकिंग


 तेज रफ्तार गाड़ी मन ऊपर ट्रैफिक पुलिस के तेज कार्रवाई,रायपुर-बिलासपुर हाईवे म चलत हे चेकिंग
  06/11/2020  


केशव पाल / तिल्दा-नेवरा

          तेज रफ्तार वाहन मन ऊपर ए दिनों ट्रैफिक पुलिस द्वारा लगातार कार्रवाई करे जात हे। रायपुर-बिलासपुर हाईवे म धरसींवा,सांकरा,धनेली के पास ओवर स्पीड गाड़ी चालक मन के ऊपर कार्रवाई करत चालान काट तेज कार्रवाई करे जात हे। चूंकि ए मेन रोड होय के कारण एमा ले बहुत ज्यादा संख्या म गाड़ी मन के गुजरना होथे इही कारण इंहा आए दिन दुर्घटना घलो होवत रहिथे। खासकर धरसीवां,सांकरा,धनेली,तिवरैया,चरौदा,भनपुरी,क्षेत्र म आए दिन सड़क दुर्घटना होवत हे। शराब पीके तेज रफ्तार ले लापरवाही पूर्वक वाहन चलाना अउ ओवर स्पीड ले दुर्घटना म इजाफा होवत हे। इही सब ऊपर लगाम कसे बर जगह-जगह स्थान बदलके गाड़ी मन के स्पीड जांच कर निर्धारित मानक ले ज्यादा रफ्तार वाले गाड़ी मन ऊपर कार्रवाई करे जात हे।

क्षेत्र म आए दिन सड़क दुर्घटना होवत हे। एला नियंत्रित करे बर ट्रैफिक पुलिस द्वारा ओवर स्पीड गाड़ी मन के चालान काट के कार्रवाई करे जात हे। ताकि लोगन मन म जागरूकता आए अउ लोगन समझदारी के परिचय देवत हुए ट्रैफिक नियम के पालन करय। -अजय त्रिपाठी थाना प्रभारी  भनपुरी

 


अऊ खबर

img not found

06/09/2020 अपराध

img not found

21/11/2019 धान

Top