युवा समाजसेवी संदीप वर्मा के नेतृत्व म चलाय गइस स्वच्छता अभियान, साफ-सफाई कर करे गइस जन-जागरूकता


युवा समाजसेवी संदीप वर्मा के नेतृत्व म चलाय गइस स्वच्छता अभियान, साफ-सफाई कर करे गइस जन-जागरूकता
  08/11/2020  


केशव पाल तिल्दा-नेवरा । छत्तीसगढ़ उत्थान समिति के तत्वावधान,ख़ूबदास वैष्णव सरपंच टोहड़ा के विशेष आतिथ्य,संभाग संयोजक दुर्गेश साहू के गरिमामय उपस्थिति अउ युवा समाजसेवी संदीप वर्मा के नेतृत्व म वोकर जन्मभूमि गौरव ग्राम तुलसी (विश्रामपुर) म स्वच्छता अभियान चलाय गइस। जेमा गांव के मुख्य रामसागर तालाब,बाजार परिसर,रंगमंच आदि के साफ-सफाई कर जन-जागरूकता करे गइस।ए मौका म ख़ूबदास वैष्णव ह कहिस कि युवा मन के प्रेरणास्त्रोत प्रसिद्ध युवा समाजसेवी संदीप जी के नेतृत्व म गांव-गांव म विभिन्न प्रकार के सेवा कार्य संपादित कर हमर छत्तीसगढ़ महतारी अउ भारत माता के जय कर वोला पुनः विश्वगुरु बनाय के कार्य निरंतर करे जात हे। त उंहे दुर्गेश साहू ह कहिस कि ए समिति द्वारा निःशुल्क रक्तदान कर 250 ले ज्यादा लोगन मन के जीवन बचाय गए हे। कई हजार निःशुल्क फलदार पौधा के वितरण गांव-गांव म करे गए हे। नशामुक्ति अभियान,नारी सशक्तिकरण, स्वदेशी अउ स्वच्छता आंदोलन,कोरोना जनजागरण इत्यादि कार्य निरंतर संदीप जी के नेतृत्व म करे जात हे। ए स्वच्छता अभियान म युवा कार्यकर्ता मोहित ध्रुव,निखिल वर्मा,प्रीतम ध्रुव,कुंभज वर्मा अभिषेक वर्मा,भौमिक वर्मा,अजीत यादव,हिमांशू वर्मा,रामकिशन ध्रुव,कमलनारायण यादव,शुभम मिश्रा,गोपू मानिकपुरी,मयंक ध्रुव,सूरज यादव,सुधाकर ध्रुव,पोषण वर्मा,गणेश वर्मा,विष्णु साहू,मिथलेश विश्वकर्मा आदि के विशेष योगदान रहिस।


अऊ खबर

img not found

06/09/2020 अपराध

img not found

21/11/2019 धान

Top