शांतिपूर्वक मनाय गइस देवारी तिहार


शांतिपूर्वक मनाय गइस देवारी तिहार
  18/11/2020  


केशव पाल @ तिल्दा-नेवरा। शहर सहित समूचा अंचल म देवारी तिहार धूमधाम अउ हर्षोल्लास के संग शांतिपूर्वक ढंग ले मनाय गइस। दीया के उजाला ले रोशन गांव अउ शहर,आतिशबाजी के सतरंगी रोशनी ले जगमगावत आसमान त उंहे हर चेहरा म उल्लास अउ उमंग के उजास देवारी म मन मोहत रहिस। धनतेरस म धनवंतरी अउ यमदूत के पूजा होइस,नरक चौदस के दिन चौदह दीया जलाके दीपदान करे गइस। देवारी के दिन घर-घर म मां लक्ष्मी जी के पूजा कर जघा-जघा दीप जलाय गिस। अउ सुखी-समृद्धि के कामना करे गिस। गोवर्धन पूजा के दिन गाय मन के पूजा-अर्चना कर खिचड़ी खवाय गइस। त उंहे अगले दिन भाई दूज अउ संझा बेरा मड़ई-मातर के धूम रहिस। सज-सँवर के राऊत जाति के लोगन मन दोहा पारत गड़वा बाजा के धुन म जमके नाचिन-कूदिन। अउ अखाड़ा प्रस्तुत करिन। ए दौरान लईका मन घलो जमके फटाका फोड़िन अउ आतिशबाजी करिन त उंहे लोगन मन एक-दुसर ले गला मिलके,बड़े-बुजुर्ग मन के पाँव छूके एक-दुसर ल देवारी के बधाई दिन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top