रात भर तेज आवाज म चलत रहिस टीवी,बिहनिया मिलिस घर म लाश


रात भर तेज आवाज म चलत रहिस टीवी,बिहनिया मिलिस घर म लाश
  22/11/2020  


कोरिया : नगर पालिका मनेंद्रगढ़ के वार्ड क्रमांक-3 मौहरपारा म आरती (30) नामक महिला अपन 3 लइका के संग म रहत रहिस। ओकर पति खुशी राम अवैध शराब बेचे के आरोप म जेल चले गए रहिस। करीब एक हप्ता पहिले जेल ले छूट के अपन घर आईस, तहां ले अपन पत्नी उपर शंका ल करे लगिस।
शनिचर के रात करीब 12.30 बजे अपन घर के टीवी साउंड बढ़ाके पत्नी ल, बेलन अउ डंडा म रात भर पीट-पीट के अधमरा कर दिहिस। पत्नी के बेहोश हो जाय के बाद आरोपी पति चुपचाप सो गे। 
घटना के बिहनिया करीब 7-8 बजे अपन पत्नी ल उठाईस, लेकिन ओकर मौत हो गए रहिस। ये जान आरोपी पति घर ल छोड फरार हो गए।
मामला के जानकारी थाना म मिले के बाद पुलिस ह घटना स्थल म पहुंच के जांच करे बर जुट गईस। ऐ ही बीच दोपहर म आरोपी पति ल ओकर घर के तीर एक बारी ले पुलिस ह गिरफ्तार कर लिहिस। स्थानीय लोगन ल कहना हे कि आरोपी अवैध महुआ शराब के बिक्री करत रहिस। जेकर कई बेरा शिकायत होय बाद पुलिस ह ओला जेल भेजे गए रहिस।
आरोपी अउ पत्नी के बीच आए दिना झगड़ा होवत रहिस। घटना के रात टीवी के तेज आवाज होय ले पड़ोस अउर अगल-बगल म रहईया सगे संबंधिय ल मारपीट जानकारी नइ हुईस। बिहनिया म इलाका के पार्षद ल जानकारी मिलिस त आरोपी के माता-पिता संग, थाने म सूचना दियेगे।
आरोपी मृतिका ले कुछ बछर पहिले प्रेम विवाह करे रहिस, मृतिका के 3 अबोध लइका हे। हत्या के जानकारी होय के बाद एसडीओपी कर्ण कुमार उईके, इंचार्ज थाना प्रभारी राम नयन गुप्ता, झगड़ाखांड़ थाना प्रभारी विजय सिंह, एएसआई वीके सिंह, एस भगत सहित पुलिसकर्मी मौका उपर पहुंचगे। निरीक्षण कर शव ल पंचनामा कर पोस्टमार्टम करायगे। वहें आरोपी ल गिरफ्तार कर न्यायिक हिरासत म भेज दिहेगे।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top