लोरमी तहसील ल यथावत रखे बर ग्रामीण मन मुख्यमंत्री के नाम म कलेक्टर ल देइस ज्ञापन।


लोरमी तहसील ल यथावत रखे बर ग्रामीण मन मुख्यमंत्री के नाम म कलेक्टर ल देइस ज्ञापन।
  25/11/2020  


अरुण साहू / मुंगेली 
छत्तीसगढ़ सरकार ह लोरमी ल तहसील ल बाट के लालपुर थाना ल नवा तहसील बनाये हवये । दर्जन भर गांव के कई हजार ग्रामीण मन ल परशानी होवइया हवये। ग्रामीण मन बताइस है कि लोरमी तहसील के 5ले 6 किलोमीटर दुरिहा  हवये त नवा तहसील ह 20 ले 21 किलोमीटर दुरिहा हवये।  दुरिहा के अलावा आउ बहुत कन समस्या हवये । मंगलवार के दर्जन भर गांव के ग्रामीण मन  जनप्रतिनिधि अउ सरपंच के संग म जुन्ना तहसील लोरमी ल यथावत रखे बर मुख्यमंत्री के नाव म कलेक्टर ल ज्ञापन दे हवये । चार दिन आघु जनप्रतिनिधि अउ ग्रामीण मन सुकली म  बैठक कर रहिस । जेनम नवा तहसील लालपुर म शामिल गांव  
बिचारपुर , लछनपुर , सुकली, नवगांव जैत, पैजनिया , कोतरी , रबेली अउ नवरंगपुर के सरपंच अउ ग्रामीण म शामिल रहिस।  जेनमा सबो झन लालपुर ल नवा तहसील बनाये के विरोध करिन हे।  ग्रामीण मन के हित म कोई काम नई करे हवये । बिचारपुर अउ लोरमी तहसील के दूरी 4 किलोमीटर हवये जबके नवा तहसील लालपुर थाना के 20 किलोमीटर हवये । ज्ञापन दे बर  कोतरी के सरपंच, बिचारपुर के सरपंच, पैजनिया के सरपंच, रबेली के सरपंच, सामाजिक कार्यकर्ता अनिल कश्यप, राजकुमार कश्यप, शोभा कश्यप , दरबारी यादव शोभा राम कश्यप सहित पूरा क्षेत्र वासी मन गए रहिस।


अऊ खबर

img not found

06/09/2020 अपराध

img not found

21/11/2019 धान

Top