सम्मान : छत्तीसगढ़ी राजभाषा दिवस मा आयोजित गोष्ठी के मुख्यमंत्री हा करिस शुभारंभ, प्रदेश के 9 विभूति मन ला करे गइस सम्मानित


सम्मान : छत्तीसगढ़ी राजभाषा दिवस मा आयोजित गोष्ठी के मुख्यमंत्री हा करिस शुभारंभ, प्रदेश के 9 विभूति मन ला करे गइस सम्मानित
  28/11/2020  


केशव पाल @ रायपुर। मुख्यमंत्री भूपेश बघेल हा शनिवार के अपन निवास कार्यालय ले 8 वां छत्तीसगढ़ी राजभाषा दिवस के अवसर मा रायपुर के महंत घासीदास स्मारक संग्रहालय के सभागार मा आयोजित गोष्ठी के वर्चुअल शुभारंभ करिन। ये दौरान वोहा छत्तीसगढ़ी राजभाषा के प्रचार-प्रसार,साहित्य सृजन अउ संवर्धन मा महत्वपूर्ण योगदान बर प्रदेश के 9 विभूति मन ला सम्मानित करिस।
कार्यक्रम मा मुख्यमंत्री बघेल हा कहिन कि नवा सरकार बने के बाद छत्तीसगढ़ी राजभाषा,छत्तीसगढ़ी तीज-तिहार के महत्व अउ अधिक बढ़ गेहे। राज्य सरकार हा हरेली,तीजा-पोरा करमा जयंती,विश्व आदिवासी दिवस के छुट्टी घोषित करे हे। मुख्यमंत्री हा कहिन कि पहिली छत्तीसगढ़ी मा बोले बर संकोच करय,पर अब जब छत्तीसगढ़िया लोगन मन मिलथे ता अपन भाषा छत्तीसगढ़ी मा गर्व ले बात करथे। वोहा कहिस कि छत्तीसगढ़ी,हिन्दी,अवधि अउ बृज भाषा समकालीन आय। लेकिन अन्य भाषा मा छत्तीसगढ़ी भाषा के तुलना मा ज्यादा साहित्य सृजन के काम होय हे। कार्यक्रम मा अमरजीत भगत,ताम्रध्वज साहू,डां. प्रेमसाय सिंह टेकाम,अनिला भेड़िया, मोहम्मद अकबर, रूद्र गुरू सहित संसदीय सचिव शिशुपाल शोरी आदि उपस्थित रहिन।

येकर मन के होइस सम्मान

कार्यक्रम मा मुख्यमंत्री हा नंदकिशोर शुक्ला बिलासपुर,वैभव पाण्डेय बेमेतरिहा रायपुर,डां. चितरंजन कर रायपुर,डां.परदेशी राम वर्मा भिलाई,रामेश्वर वैष्णव रायपुर,संजीव तिवारी दुर्ग अधिवक्ता,डां,राजन यादव खैरागढ़,देवेश तिवारी रायपुर अउ सुश्री सुधा वर्मा रायपुर ला सम्मानित करिन।


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top