हवाई सेवा के मांग बर पैदल मार्च


हवाई सेवा के मांग बर पैदल मार्च
  30/01/2021  


रत्नेश यादव बिलासपुर

बिलासपुर शहर के बहु प्रत्याशित हवाई सेवा के मांग ल लेके लगातार शहर के नागरिक मन संग पुरा क्षेत्रवासी मन लगातार आंदोलन करत हे, हवाई सेवा के शुरुवात के मांग बर हर प्रकार के प्रयास लगातार करे जात हे, बिलासपुर शहर म हवाईसेवा के मांग बर लगातार अनिश्चित कालीन धरना घलो शहर के प्रतिष्ठित नागरिस अउ समाजसेवी वर्ग के लोगन मन करत आत हे जेन ह लगातार जारी हे.

चकरभाटा एयरपोर्ट के निर्माण कार्य पूरा होए के बाद भी अभी तक हवाई सेवा ल लेके कोनो भी प्रकार के सकारात्मक जवाब नई मिले ले लोगन मन के मन म अब आक्रोश घलो जागे लगे हे. एही सब के बीच बिलासपुर शहर के युवा अउ समाजसेवी वर्ग हवाई सेवा के मांग ल लेके स्थानीय कंपनी गार्डन ले चकरभाटा तक पैदल मार्च करिन. तिरंगा झंडा हाथ म लेके युवा मन के झूंड जब शहर के प्रमुख मार्ग ले होवत चरकभाटा के तरफ बढ़ीस त होन मन घलो झुंड बना के संगे संग चलत दिखिन. 

युवा नेता मन द्वारा करे गए ए मांग के कतका सकारात्मक प्रभाव बड़ही ए तो आए वाला वक्त ही बताही, फेर ए बात कहे जा सकत हे कि यदि नगर के हरवर्ग के लोगन हवाई सेवा के लगातार मांग करत हे त बहुत जल्द ही बिलासपुर ल हवाई सेवा ले जोड देहे जाए एमा कोईस दो राय नई हे. बिलासपुर शहर ले चकरभाटा तक के पैदल मार्च म भाजपा नेता शुशांत शुक्ता, धनंजय गोस्वामी प्रमुख रुप से उपस्तित रहिन


अऊ खबर

img not found

06/09/2020 अपराध

img not found

21/11/2019 धान

Top