जिम्मेदार अधिकारी मन जान के बनथे अनजान*


 जिम्मेदार अधिकारी मन  जान  के बनथे  अनजान*
  10/02/2021  


*सटोरी मन बर देवरबीजा-कोदवा बनिस जुआ के अड्डा जिम्मेदार  अधिकारी मन  जान  के बनथे  अनजान*

*टुमेश जायसवाल*
बेमेतरा:- ज़िला मुख्यालय ले लगे देवरबीजा अउ  निकट कोदवा परिक्षेत्र सटोरि मन बर अब  एक  नवा बड़का  सेफ्टी हॉटस्पॉट बनत हे।सैकड़ो के तादाद म सटोरि अवैधानिक रूप ले  दांव लगाकर शासन-प्रशासन के  नियम कानून के धज्जि उड़ावत  हे उहे  बुलन्द हौसला मे संग खुलेआम प्रतिबंधित सटाबाज़ी के गैरकानूनी कारोबार कर सम्बंधित पुलिस अफसर मन ल कार्यवाही बर चुनौती देवत हे ।लिहाजा आलम ये हे, कि देवरबीजा अउ कोदवा सहित परिक्षेत्र के इलाका सटोरिया के  गिरफ्त म जावत  हे ।जेखर खास असर युवा पीढ़ी उपर भी होवत हे जेमा ज़िला के कप्तान ल  गम्भीरतापूर्वक ध्यान दे के  जरूरत हे ।

उल्लेखनीय हे कि प्रदेश के गृहमंत्री ताम्रध्वज साहू अउ डीजीपी  डीएम अवस्थी ह लगातार प्रदेश म ज़ुएबाज़ी-सट्टेबाज़ी संग  गैरकानूनी कारोबार ल  रोके के  जिम्मेदार पुलिस प्रशासन ल  सख्त हिदायत अउ  निर्देश दे गए  हे ।एखर  बावजूद कई क्षेत्र म चंद पईसा लालच के आड़ म नियम कानून व आदेश के लगातार अवहेलना करे जावत हे, जेखर ताज़ा उदाहरण ए दिना जिला के सिटी कोतवाली थाना क्षेत्र के देवरबीजा अउ साजा थाना क्षेत्र  के कोदवा म स्पष्ट रुप से देखे ल मिलत हे ।खुफिया सूत्र के माने त यहां सट्टा के  कारोबार बड़े स्तर म फैले हुए हे ।उहें अब ऑनलाइन माध्यम ले भी सट्टा पट्टी लिखे  के काम करे जावत हे ।जेखर जानकारी पुलिस विभाग के जिम्मेदार अधिकारी ल  तको हे ।ये  सम्बंध म सूत्र के  कहना हे कि सटोरि अउ खाई वाले ऊपर जिम्मेदार वर्ग द्वारा खानापूर्ति कर औपचारिक कार्यवाही बस करे जाथे  ,जेखर ले  एखर हौसला बुलंद रहिथे ।


अऊ खबर

img not found

06/09/2020 अपराध

img not found

21/11/2019 धान

Top