समाज के मांग म बदले गईस बिलासपुर एयरपोर्ट के नाव


समाज के मांग म बदले गईस बिलासपुर एयरपोर्ट के नाव
  25/02/2021  


रत्नेश यादव 

बिलासपुर 

लगातार प्रयास अउ आंदोलन के बाद अब न्यायधानी बिलासपुर ल हवाई सेवा के सौगात प्राप्त होए हे,  बिलासपुर से दिल्ली अउ नई दिल्ली से बिलासपुर बर विमान सेवा अब शुरू हो जाही। एयर एलायंस के टेस्टिंग फ्लाइट विमान गुरुवार के  चकरभाटा एयरपोर्ट मे प्रथम आगमन होईस, जेकर बाद मुख्यमंत्री  भूपेश बघेल ए परिक्षण ल सबके लिए हर्ष के विषय बताए हे। एकर संगे संग मुख्यमंत्री भूपेश बघेल बिलासपुर के एयरपोर्ट ल अब बिलासा देवी केंवट एयरपोर्ट के नाव से जाने जाए के घोषना घलो करिस। मुख्यमंत्री भूपेश बघेल  छत्तीसगढ़ मछुआरा समाज अउ मछुआ कल्याण बोर्ड के अध्यक्ष एमआर निषाद के आग्रह म बिलासपुर एयरपोर्ट के नामकरण बिलासा बाई केंवटिन के जघा म अब बिलासा देवी केंवट करे जाए म सहमति दिए हे।

बिलासपुर ले दिल्ली बर एटीआर 72 एयरक्राफ्ट के दो फ्लाइट सोमवार, बुधवार, शुक्रवार अउ रविवार के संचालित होही। पहली फ्लाइट दिल्ली ले रवाना होके जबलपुर होत हुए दुपहर 3:20 बजे बिलासपुर पहुंचही अउ  3:45 बजे बिलासपुर ले प्रयागराज होत हुए वापस दिल्ली लहुट जाही। (दिल्ली-जबलपुर-बिलासपुर (1520-1545)-प्रयागराज-दिल्ली)। 

दूसर फ्लाइट दिल्ली से प्रयागराज होते हुए संझा 4 बजे बिलासपुर पहुंचही अउ 4.30 बजे बिलासपुर से जबलपुर होते हुए दिल्ली बर रवाना होही।

 


अऊ खबर

img not found

06/09/2020 अपराध

img not found

21/11/2019 धान

Top