कृषि विभाग के बड़का लापरवाही करत हे अपन मनमानी


कृषि विभाग के बड़का लापरवाही करत हे अपन मनमानी
  26/03/2021  


शासन के आदेश निर्देश  तखतपुर कृषि विभाग के अधिकारी आऊ ओखर रिश्तेदार मन बर कोई महत्व नई हे ।ना ही उमन ल आऊ उखर रिश्तेदार ल कोरोना के  डर हे। ऐसे एखर बर कहे जा सकत हे के  कलेक्टर पूरा जिला म धारा 144 लागू करे के  आदेेेश जारी करे हे लेकिन कृषि विभाग के अधिकारी आऊ कर्मचारी कलेक्टर के आदेश ल धता बतात हुए कृषि चौपाल लगावत हे,
तखतपुर के गांव छतौना म आज ग्रामीण कृषि विस्तार अधिकारी एस के वर्मा द्वारा सेवा सहकारी समिति छतौना म कृषि चौपाल के आयोजन करे रहीस, ये  आयोजन म50 ले 60 लोगन ल  बुलाय गए रहीन लेकिन 20 ले 25 ही पहुंच पाईन। ये किसान ल वर्मी कॉपोस्ट खाद के उपयोग के फायदा बता के आगामी फसल बर  प्रयोग करे के  प्रोत्साहित करे जात हे।लेकिन ये दौरान ये बात के ध्यान नई रखिन के कोरोना गाइड  पालन करना हे आऊ सबले अहम के जिला सहित पूरा  संभाग म धारा 144 लागू हे।तस्वीर म साफ देखे जा सकत हे  के किस तरह लोगन ल बिना किसी मास्क आऊ सामाजिक दूरी के पालन करे बिना बैठाई गए हे आऊर भीड़ लगाय हे।
एक तरफ कोरोना के नाम ले लोगन के सामाजिक और धार्मिक सहित त्यौहार के माने म  रोक लगाय गए हे। त दूसर ओर अधिकारी के रिश्तेदार शासन के आदेश के अवहेलना करत हुए भीड़ इकट्ठ कर वाह वाही लूटे के के प्रयास करत हे।
जिला म धारा 144 लागू म कृषि विभाग बर  नही जिला दण्डाधिकारी सारांश मित्तर ह पूरा जिला म होली त्यौहार के मनाए बर   कोरोना के गाइड लाइन जारी कर दीए रहीस ।

जारी निर्देश के अनुसार

कोई भी स्थान म5 ले ज्यादा लोगन इकाठर नई रह सकए।

मास्क नई पहने म 500 रुपया जुर्माना लगही।

बिहाव, मरनि दशगात्र कार्यक्रम म50 ले अधिक लोगन एक संग शामिल नई हो सकए।

कोई भी कार्यक्रम सभा म लिए एडीएम आऊ एसडीएम ले अनुमति लेना आवश्यक हे।

कोई भी प्रकार के सभा ,जुलूस आऊ धरना म आगामी आदेश तक प्रतिबंध रही।

लेकिन ‘सैंया भये कोतवाल त डर काहे का’ के तर्ज म एसएडीओ के रिश्तेदार एस के वर्मा ,जो आरएईओ भी हे छतौना म कृषि चौपाल लगाके भीड़ इक्कठा करत हे।बिना मास्क आऊर सोशल डिस्टेंस के लोगन बैठे हुए हे ।अब ये कोरोना फैल गए त जवाबदारी का खर हाेही?


अऊ खबर

img not found

06/09/2020 अपराध

img not found

05/12/2019 this is test news22

img not found

21/11/2019 धान

Top