ढढ़ोर यादव समाज के सराहनीय पहल,


ढढ़ोर यादव समाज के सराहनीय पहल,
  31/03/2021  


कहे जाथे के अच्छा समाज ही एक अच्छा अउ सकारात्मक वातारवण के निर्मांण करथे, अउ एक सकारात्मक वातारण ही क्षेत्र विकास के नींव रखथे,  समाज के आपसी सहयोग अउ सद्भावना एकर सबले महत्वपूर्ण अंग होथे. 

"कहे जाथे आपसी सहयोग अउ सद्भावना निर्बल ल घलो बलवान बना देथे"

अईसे कुछ नजारा देखेबर मिलिस बिलासपुर ढढ़ोर यादव समाज के द्वारा, जिंहा समाज के एक युवा के कुछ दिन पहली होए सड़क दूर्घटना म गंभीर चोट आए रहिस. आर्थिक रुप ले कमजोर परिवार के उपर मानो पहाड़ जईसन आपदा टूट परिस, युवा के बेहतर ईलाज बर तत्काल एक बड़े खर्चा आघू देख परिवार के लोगन हताश होवत नजर आत रहिन, 

अईसे म ढढ़ोर यादव समाज अपन आपसी सहयोग के भावना के सकरात्मक परिचय देत हुवे युवा के मदद बर आघु आईन, अउ समाज के लोगन मन अपन शक्ति अउ ईच्छानुसार मदद बर छोटे-छोटे राशी ल एकत्रित करना शुरु करिन, समाज के आपसी जुड़ाव अउ भावनात्मकता के ज्वार अतका रहिस के युवा के बेहतर ईलाज बर कुछ हि घंटा के भितर 10000(दस हजार) ले जादा के राशी जमा कर लेहे गईस अउ राशी ल तत्काल बेहतर ईलाज बर हॉस्पिटल म जमा कराए गईस.

बतादन ढढ़ोर यादव समाज द्वारा समाजिक उत्तथान बर लगातार ए प्रकार के सकात्मक कार्य करे जात हे, जिंहा कई प्रकार के अनावश्यक समाजिक खर्चा उपर भी आपसी सहयोग ले विराम लगाए गए हे त उंहे समाज म जरुरत मंद लोगन के मदद बर अनेक कार्य घलो करे जात हे. 

31.03.2021 मझनिया 2.00 बजे समाचार पब्लिश होत तक भी समाज के लोगन द्वारा युवा के ईलाज बर निरंतर सहयोग प्राप्त होत रहिस


अऊ खबर

img not found

06/09/2020 अपराध

img not found

21/11/2019 धान

Top