अवइया बछर म छत्तीसगढ़ ह जैविक राज्य के रूप म होही विकसित – सीएम भूपेश बघेल


अवइया बछर म छत्तीसगढ़ ह जैविक राज्य के रूप म होही विकसित – सीएम भूपेश बघेल
  21/07/2021  


news36: सीएम भूपेश बघेल ह गोधन न्याय योजना शुरु होय के एक ठिन बछर पूरा होय के अवसर म आयोजित कारिक्रम ल सम्बोधित करत हुये कहिस के अवइया बछर म छत्तीसगढ़ ह जैविक राज्य के रूप म विकसित होही।

सीएम बघेल ह कहिस के गोधन न्याय योजना ह गौ-पालक, किसान के संगे-संग गोबर बेचइया भूमिहीन मनखे मन के आय के एक ठिन नवा जरिया ल उपलब्ध कराय हे, बल्की ए योजना ले महिला स्व सहायता समूह मन के करीबन 80 हजार महिला घलो आत्मनिर्भरता के रद्दा म आगू बाढ़त हे।

प्रदेश म गोधन न्याय योजना के शुरुवात ल पाछ बछर हरेली के तिहार के अवसर म 20 जुलाई के प्रारंभ होय रिहीस। ए योजना के एक बछर पूरा होय म मुख्यमंत्री बघेल ह पशुपालक अउ प्रदेश वासी मन ल बधाई अउ शुभकामना दिए हे।

 सीएम भूपेश बघेल ह कारीकरम म गोधन न्याय योजना के तहत गोबर संग्रहण, स्व-सहायता समूह, गौठान समिति ल लाभांस के राशि अउ प्रोत्साहन राशि के रूप म गौठान प्रबंधन समिति अउ स्वावलंबी गौठान ल 31 करोड़ 20 लाख रुपिया के राशि के अंतरण करीन।


अऊ खबर

img not found

06/09/2020 अपराध

img not found

20/12/2019