बदमाश मन के आघु कोतवाली पुलिस नतमस्तक, पीड़ित ल नई मिलत हे न्याय,


बदमाश मन के आघु कोतवाली पुलिस नतमस्तक, पीड़ित ल नई मिलत हे न्याय,
  14/09/2021  


बदमाश मन के आघु कोतवाली पुलिस नतमस्तक, पीड़ित ल नई मिलत हे न्याय, लूटपाट के केस वापस लेहे ब प्रार्थी के खिलाफ झूठा रिपोर्ट दर्ज कराये के मामला

जांजगीर-चांपा : जिला मुख्यालय जांजगीर के कुछ बदमाश मन कोतवाली थाना म दर्ज मारपीट अउ लूटपाट के एक केस ल वापिस लेहे खातिर पहली प्रार्थी उपर दबाव बनाइस, लेकिन जब बात नई बनीस त उल्टा प्रार्थी के खिलाफ ही मारपीट के झूठा रिपोर्ट दर्ज करवा दीस। प्रार्थी हर ये पूरा मामला के शिकायत करीब दु महिना पहली जिला के पुलिस अधीक्षक अउ पुलिस महानिरीक्षक से करत मामला के निष्पक्ष जांच कराके दोषी मन के खिलाफ कार्रवाई के मांग करिस। परन्तु, प्रार्थी के शिकायत म अभी तक कोनो कार्रवाई नई किये गए हे। एकर से पूरा आशंका हे कि बदमाश मन के आघु कोतवाली पुलिस नतमस्तक हो गये हे, जेकर कारण ही पीड़ित ल न्याय नई मिल पावत हे।
जिला मुख्यालय जांजगीर के वार्ड क्रमांक 20 निवासी लखन यादव पिता स्व. अनंतराम यादव हर पुलिस अधीक्षक अउ पुलिस महानिरीक्षक से करे शिकायत म कहे हे कि 26 मई 2021 के रात करीब 9 बजे ओहर खाना खाके अपन घर में बैठे रहिस, ओतके बेर कुमार दास अकेल्ला आइस अउ कहिस कि तुमन सतीश यादव उर्फ बाटा अउ ओकर साथी मन के विरूद्ध जांजगीर थाना म जो रिपोर्ट दर्ज कराये ह, ओला वापस ले लेवा, अन्यथा हमन तुमन ल झूठा मामला म फंसा देबो, तब मैं हर रिपोर्ट वापस लेहे ले मना कर देहें। एकर ले कुमार दास आक्रोशित हो गइस अउ गाली-गलौज करे लगिस, जेकर विरोध करे म मारपीट करे लगिस। एकर बाद झूठा मामला म फंसाये के धमकी देके ओकरा ले चल दिस। ये घटना के दूसर दिन 27 मई 2021 के सुबह जानकारी मिलीस कि कुमार दास हर अपन बेटा अरूणदास के साथ मारपीट के झूठा रिपोर्ट मोर विरूद्ध जांजगीर थाना म दर्ज कराईस, जबकि रिपोर्ट म जोन वक्त के घटना के उल्लेख हे, उस समय मैं अपन घर म सोवत रहेंव। शिकायतकर्ता लखन यादव के कहना हे कि ओकर द्वारा सतीश यादव उर्फ बाटा अउ ओकर अन्य साथी मन के विरूद्ध 29 मार्च 2021 के जांजगीर थाना म घर म घुसके मारपीट अउ लूटपाट करे के रिपोर्ट दर्ज कराय गईस, जो अभी विचाराधीन हे। मामला के चालान अभी न्यायालय म पेश नई होय हे, उक्त केस ल वापस लेहे खातिर सतीश उर्फ बाटा यादव अउ ओकर साथी अरूणदास द्वारा लगातार दबाव बनाये जावत हे। 26 मई 2021 के अरूणदास के संग कोन मारपीट करे हे, एकर जानकारी मोला नई हे। बावजूद, एकर मोला फंसाये खातिर रिपोर्ट म मोर नाम शामिल कर दिये गये हे। शिकायतकर्ता लखन यादव हर ये मामला के निष्पक्ष जांच करके दोषी मन के खिलाफ कार्रवाई के मांग करे हे। 

बदमाश मन से पुलिस के सांठगांठ

ये मामला म न तो कोतवाली पुलिस द्वारा कोई कार्रवाई किये जावत हे अउ न ही पुलिस विभाग के उच्चाधिकारी ये मामले म संज्ञान लेत हे, जेकर से बदमाश मन के मनोबल बढ़े हुये हे, आरोप हे कि वो बदमाश मन से कोतवाली पुलिस हर सांठगांठ कर लिए हे। जौन कारण से कोतवाली पुलिस जानबूझके ये मामला म बदमाश मन के खिलाफ कोनो कार्रवाई नई करत हे। एकर से पीड़ित पक्ष म पुलिस के प्रति आक्रोश पनपे लगे हे।

 

 

 

 

 

ख़बर के बारें म ज्यादा जानकारी बर देखव हमर लाईव टीवी,नीचे देहे गए लिंक म क्लिक कर डाउनलोड करव लाईव टीवी एप

https://play.google.com/store/apps/details?id=com.live.newsapp

 


अऊ खबर

img not found

12/04/2020