आरक्षण उपर राज्यपाल के 10 सवाल
छत्तीसगढ़ म आरक्षण के मुद्दा म गहराए लगे हे संशय, राज्यपाल ह शासन ले 10 बिंदु म मांगिस जवाब, के कोन आधार म SC-ST, अन्य पिछड़ा वर्ग अउ आर्थिक रूप ले कमजोर वर्ग ल मिलाके 76% आरक्षण के करे गए हे प्रावधान।
2023 म नेताम बनही CM – अजय
भाजपा के पूर्व मंत्री अजय चंद्राकर दुर्ग ग्रामीण विधानसभा के रिसाली म आयोजित सभा म राज्य सरकार उपर हमला बोलत कहिस 2023 म रामविचार नेताम बनही मुख्यमंत्री, भाजपा ह रिसाली म कांग्रेस हटाओ, छत्तीसगढ़ बचाव अभियान के करिस शुरुआत।
शिक्षा के मंदिर म छलकिस जाम
मुंगेली म शिक्षा के मंदिर म जाम छलकाए के आईस वीडियो, वायरल वीडियो म ड्यूटी म तैनात प्रधानपाठक मुर्गा अउ दारू पार्टी करत आवत हे नजर, वायरल वीडियो म 3 लोगन देवत हे दिखाई, पथरिया क्षेत्र के सकेत गांव के मिडिल स्कूल के हे मामला।
वंदेभारत एक्सप्रेस म पत्थरबाजी
नागपुर-बिलासपुर वंदेभारत एक्सप्रेस म होईस पत्थरबाजी, उद्घाटन के बाद तीसर ही दिन पत्थरबाजी ले वंदेभारत के टूटिस शीशा, नागपुर से बिलासपुर कति आवत वंदेभारत एक्सप्रेस म दुर्ग-भिलाई नगर कना मारे गईस पथरा, मामला के जांच म जुटिस RPF के टीम।
मोहब्बत म आशिक बनिस कातिल
कवर्धा म अंधा कत्ल के सुलझिस गुत्थी, इंदौरी गांव के खेत म युवती के नग्न अवस्था म मिले रहिस लाश, प्रेमी ह अफेयर के शक म प्रेमिका के सिर म पथरा पटक के उतारे रहिस मौत के घाट, जुर्म छिपाए बर लाश ल पैरा ले ढकके हो गए रहिस फरार, आरोपी मनोज साहू ल पुलिस करिस गिरफ्तार।
मालगाड़ी ले टकराईस कार
कोरबा कुसमुंडा थाना क्षेत्र म कोयला लोडेड मालगाड़ी ले टकराईस कार, मालगाड़ी ल सामने ले आवत देखके भी ड्राइवर ह ट्रैक पार करे के करिस कोशिश, हादसा म ड्राइवर सतीश अग्रवाल समेत 2 लोगन हे घायल, उहें कार पूरा तरह होईस क्षतिग्रस्त।
टमाटर सड़क म फेंके बर मजबूर
छत्तीसगढ़ म किसान एक बार फेर टमाटर के फसल ल सड़क म फेंके बर हे मजबूर, किसान मन के कहना हे के कम कीमत मिले ले नई निकलत हे लागत, पैदावार जादा होए ले बनिस स्थिति, मंडी म किसान मन ल 90 से 120 रुपिया कैरेट मिलत हे टमाटर के कीमत।
बीमारी ले तंग आके छात्र दिहिस जान
कोरबा करतला थाना क्षेत्र के ग्राम नवापारा म 10वीं कक्षा के छात्र ह बीमारी ले तंग आके करिस आत्महत्या, ब्रेन ट्यूमर होए म पाछू 2 बछर ले बिलासपुर CIMS म छात्र सुरेश पटेल के चलत रहिस इलाज, माता-पिता ह इलाज बर अपन खेत रखे रहिस गिरवी।
बिलासपुर जेल के आघू लहराईस तलवार
सोशल मीडिया म एक वीडियो होवत हे वायरल, जेमा कुछ युवक बिलासपुर सेंट्रल जेल के आघू तलवार लहरात आवत हे नजर, ए युवक तालापारा मसानगंज के हे निवासी, मामला म आरोपी मन ल गिरफ्तार कर तीनों ले पुलिस करत हे पूछताछ।
पेड़ के कटाई मामला म 12 गिरफ्तार
मैनपुर उदंती सीतानदी टाइगर रिजर्व के बफर जोन एरिया इंदागांव वन परिक्षेत्र म अवैध अतिक्रमण कर झोपड़ी निर्माण अउ पेड़ के कटाई मामला म वन विभाग ह 12 लोगन उपर कार्रवाई करत भेजिस जेल।
टोनही प्रताड़ना के शक म महिला के हत्या
सरगुजा बतौली थाना क्षेत्र के चिरंगा खालपारा म टोनही के शक म महिला के हत्या करे के मामला म पुलिस ह एक आरोपी ल करिस गिरफ्तार, आरोपी ह पुराना रंजिश म हत्या करे के बात करिस स्वीकार, आरोपी सिमन ह घर के परछी म सोवत रजमनिया ल टंगिया अउ लकड़ी ले वार कर उतारे रहिस मौत के घाट।
युवा मितान क्लब द्वारा साफ सफाई
बलौदा बाजार सिमगा म ग्राम हरिनभट्ठा के युवा मितान क्लब के अध्यक्ष घनश्याम चतुर्वेदी के नेतृत्व म हरिनभट्ठा गांव म करे गईस साफ सफाई, भाटापारा विधानसभा के सुनील माहेश्वरी के निर्देश म सिमगा ब्लॉक के अनेक गांव म युवा मितान क्लब के द्वारा करवाए जावत हे साफ सफाई, ए दौरान जिनेंद्र भारती, अर्जुन टोंडे, बोद्द्ल, सागर, तमीस सोनवानी रहिन उपस्थित।
सड्डू हत्याकांड म पड़ोसी किशोर गिरफ्तार
रायपुर के सड्डू BSUP कॉलोनी म 8 बछर के लापता नोनी के मिले शव मामला ल सुलझाईस पुलिस, पड़ोस के ही 14 बछर के नाबालिग किशोर ह 8 बछर के नोनी के साथ रेप के बाद कर देहे रहिस हत्या, सप्ताह भर पहली घर के बाहिर खेलत मासूम हो गए रहिस लापता, 5 दिन बाद कॉलोनी के पाछू झाड़ी म मिले रहिस लाश।
पिता के हत्या कर नदी म फेंकिस लाश
बेमेतरा थाना क्षेत्र के शिवनाथ नदी किनारे अमोरा घाट म बोरी म मिले व्यक्ति के लाश मामला म लाश के हाथ म गोदना ले लिखे नाव के जरिए हत्यारा तक पहुंचिस पुलिस, मृतक के दूनों बेटा निकलिस हत्यारा, आरोपी बेटा मन हत्या के बाद बोरी म बांध के शिवनाथ नदी म फेंक देहे रहिन पिता के लाश, मामला म 3 आरोपी गिरफ्तार।
आंगनबाड़ी कार्यकर्ता के हड़ताल
बालोद जिला के आंगनबाड़ी कार्यकर्ता मन के हड़ताल दूसर दिन घलो हे जारी, अपन 8 सूत्रीय मांग ल लेके हड़ताल म बईठे कार्यकर्ता मन अगर मांग पूरा नई होही त अनिश्चितकालीन हड़ताल म जाए के कहिस बात, एति पूरक पोषण आहार होईस ठप, जिला के 469 केंद्र म लटकिस ताला।
कांग्रेस नेता हत्याकांड : शूटर्स के कार जब्त
बिलासपुर म दिनदहाड़े कांग्रेस नेता संजू त्रिपाठी के हत्या म इस्तेमाल शूटर्स के मिलिस कार, CCTV फूटेज खंगालत रहिस पुलिस, एति बिलासपुर कोटा रोड ले चकमा देके शातिर होईन फरार, भरनी-परसदा गांव म पोड़ी रोड तीर नीला रंग के मिलिस कार, पुलिस कार ल करिस जब्त, बदले गए रहिस कार के नंबर प्लेट, संजू के छोटे भाई कपिल त्रिपाठी उपर ही हत्या कराए के पुलिस ल हे शक।
